മകന് അത്തരമൊരു പേരിടാൻ മസ്‌കിന് മാത്രമേ പറ്റൂ: ട്രംപ്

ഫെബ്രുവരി 22-ന് നടന്ന 2025 കണ്‍സര്‍വേറ്റീവ് പൊളിറ്റിക്കല്‍ ആക്ഷന്‍ കോണ്‍ഫറന്‍സില്‍ (CPAC) ഇലോണ്‍ മസ്‌കിനെയും അദ്ദേഹത്തിന്റെ ഗവണ്‍മെന്റ് എഫിഷ്യന്‍സി ഡിപ്പാര്‍ട്ട്മെന്റിനെയും (DOGE) ഡോണള്‍ഡ് ട്രംപ് പ്രശംസിച്ചു. വൈറ്റ് ഹൗസില്‍ രണ്ടാം തവണയും തിരിച്ചെത്തിയ ശേഷം മസ്‌കിന്റെ നേട്ടങ്ങളെ പ്രശംസിക്കുകയും അദ്ദേഹത്തിന്റെ അസാധാരണമായ പേരുകളുടെ തിരഞ്ഞെടുപ്പുകളെക്കുറിച്ച് തമാശ പറയുകയും ചെയ്തു.

മസ്‌കിനെയും ബുദ്ധികേന്ദ്രമായ ഡോജിനെയും ട്രംപ് പരാമര്‍ശിച്ചു. ഇലോണ്‍ നന്നായി ജോലി ചെയ്യുന്നുവെന്നും അതുകൊണ്ട് തങ്ങള്‍ക്ക് ഇലോണിനെ ഇഷ്ടമാണെന്നും അദ്ദേഹം പറഞ്ഞു. തന്റെ മകന് എക്‌സ് എന്ന് പേരിടാന്‍ കഴിയുന്ന ഒരേയൊരു വ്യക്തി മസ്‌ക് മാത്രമാണെന്നും ട്രംപ് എടുത്ത് പറഞ്ഞു.
2023-ല്‍ മൈക്രോബ്ലോഗിംഗ് പ്ലാറ്റ്ഫോമായ ട്വിറ്ററിന്റെ പേര് എക്സ് എന്ന് മസ്‌ക് പുനര്‍നാമകരണം ചെയ്തു, അതേസമയം അദ്ദേഹത്തിന്റെ ബഹിരാകാശ കമ്പനി സ്പേസ് എക്സ് എന്നും അറിയപ്പെടുന്നു. അദ്ദേഹം തന്റെ മകന് എക്സ് എന്നും പേരിട്ടു. തുടക്കത്തില്‍, അദ്ദേഹത്തിന്റെ പേര് ‘എക്‌സ് എഇ എ-12’ എന്നായിരുന്നു, എന്നാല്‍ പിന്നീട് കാലിഫോര്‍ണിയയുടെ പേരിടല്‍ നിയമങ്ങള്‍ പാലിക്കുന്നതിനായി അത് ‘എക്‌സ് എഇ എ-ക്‌സിയി’ ആയി പരിഷ്‌ക്കരിച്ചു.

മസ്‌കിനെയും അദ്ദേഹത്തിന്റെ പ്രവര്‍ത്തനങ്ങളെയും ട്രംപ് പ്രശംസിക്കുന്നത് ഇതാദ്യമായല്ല. നേരത്തെ, തന്റെ സോഷ്യല്‍ മീഡിയ പ്ലാറ്റ്ഫോമായ ‘ട്രൂത്ത് സോഷ്യല്‍’ ലെ ഒരു പോസ്റ്റില്‍ അദ്ദേഹം എഴുതി, ‘ഇലോണ്‍ മികച്ച ജോലി ചെയ്യുന്നു, ജോലിയില്‍ അദ്ദേഹം കൂടുതല്‍ ഊര്‍ജ്ജസ്വലനാകുന്നത് കാണാന്‍ താന്‍ ആഗ്രഹിക്കുന്നുവെന്നും ട്രംപ് പറയുന്നു.