എഞ്ചിനിയറിംഗ്, മെഡിക്കൽ മാത്രം അല്ല; ഇന്ത്യയിൽ ഉയർന്ന ശമ്പളം ലഭിക്കുന്ന മറ്റു പ്രൊഫഷനുകളും അറിയാം!

സ്‌കൂൾ പഠനകാലം കഴിയുമ്പോൾ മുതൽ മിക്ക മാതാപിതാക്കൾക്കും , മക്കൾ ആരാകണമെന്ന സ്വപ്‌നമുണ്ടാകും. അത്തരത്തിൽ അവരെ അയക്കാൻ മിക്കവരും തിരഞ്ഞെടുക്കുന്നത് എഞ്ചിനീയറിംഗ് അല്ലെങ്കിൽ മെഡിക്കൽ മേഖലയാണ്. എന്തുകൊണ്ടാണിങ്ങനെ ചെയ്യുന്നതെന്നറിയാമോ ?

ഇപ്പോഴും ഇന്ത്യയിൽ ഒരു പ്രൊഫഷണലിന് ഏറ്റവും നല്ല ശമ്പളം ലഭിക്കുന്ന ജോലികളുടെ കൂട്ടത്തിൽ ഇവയുണ്ടയുണ്ടെന്നുള്ളതാണ് കാരണം. ഇവയ്‌ക്ക് പുറമേ അധികമാരും ശ്രദ്ധിക്കാത്ത ചില മേഖലകളിലെ പ്രൊഫഷണലുകളും ഇന്ത്യയിൽ തന്നെ ജോലി ചെയ്‌ത് പണം വാരിക്കൂട്ടുന്നുണ്ട്. അത്തരത്തിൽ ഇക്കഴിഞ്ഞ വർഷം ഏറ്റവുമധികം പ്രതിവർഷ വരുമാനം ലഭിച്ച ജോലികളിലൊന്നാണ് മാനേജ്‌മെന്റ് കൺസൾട്ടന്റുമാർ

വിവിധ സ്ഥാപനങ്ങൾ അവയുടെ പ്രകടനം മെച്ചപ്പെടുത്തുന്നതിന് മാനേജ്‌മെന്റ് കൺസൾട്ടന്റുമാരുടെ സഹായം തേടാറുണ്ട്. കോർപറേറ്റ് മേഖലയിൽ വരുന്ന സങ്കീർണമായ പ്രശ്‌നങ്ങൾ ഒരു അനുഭവ പരിചയമുള്ള മാനേജ്‌മെന്റ് കൺസൾട്ടന്റിന് പരിഹരിക്കാൻ കഴിയും. കമ്പനികളുടെ കാര്യക്ഷമത കൂട്ടാനും വളർച്ച നേടാനും ഇവരുടെ നിർദ്ദേശങ്ങൾ സഹായിക്കും.

കമ്പനികളുടെ അല്ലെങ്കിൽ സ്ഥാപനത്തിന്റെ ഘടന പഠിച്ച ശേഷം വിവിധ ബിസിനസ് മോഡലുകളെ വിശകലനം ചെയ്യുക, മാർക്കറ്റ് ട്രെൻഡ് അറിയുക, കമ്പനിയുടെ പ്രകടനം മനസിലാക്കുക ഇവയ്‌ക്ക് ആവശ്യമായ ഡാറ്റ ശേഖരിക്കുക,

ഉപഭോക്താവിനായി പദ്ധതികൾ ആവിഷ്‌കരിക്കുകയും അവ അവതരിപ്പിക്കുകയും ചെയ്യുക എന്നിങ്ങനെ നിരവധി സങ്കീർണമായ ജോലികൾ മികച്ച ഒരു മാനേജ്‌മെന്റ് കൺസൾട്ടന്റിന് ചെയ്യാൻ കഴിയും. പ്രതിവർഷം 27 ലക്ഷം രൂപ ശരാശരി പ്രൊഫഷണലായ ഒരാൾക്ക് നേടാൻ സാധിക്കും.

അതുപോലെ ആർക്കിടെക്റ്റ്, ഭാവനയും സാങ്കേതികവിദ്യയും അനുഭവ‌‌ജ്ഞാനവും ചേർന്ന ജോലിയാണ് ആർക്കിടെക്‌റ്റിന്റേത്. കെട്ടിടങ്ങളും മറ്റ് നി‌ർമ്മിതികളും മാറുന്ന കാലത്തിനനുസരിച്ചും കാലങ്ങളോളം നിലനിൽക്കാനും പാകത്തിന് നിർമ്മിക്കുന്ന ഇവരുടെ ജോലി എന്നും ആവശ്യമുള്ളതാണ്.

സുരക്ഷയും നൂതന ആശയങ്ങളും ആവശ്യക്കാരന്റെ നിർദ്ദേശവും മാനിച്ച് കെട്ടിടങ്ങളുടെ രൂപകൽപന നിർവ്വഹിക്കുകയും , അതിൽ പ്രൊജക്‌ട് ആർക്കുവേണ്ടിയാണോ അയാളുടെ ബഡ്‌ജറ്റിന് അനുസരിച്ച് പണം ചെലവാക്കുന്നുവെന്ന് ഉറപ്പാക്കുകയും ചെയ്യുന്നത് ആർകി‌ടെക്‌ടിന്റെ ചുമതലയാണ്.

അതിനാൽ കെട്ടിടനിർമ്മാണം നിരീക്ഷിക്കേണ്ടത് അത്യാവശ്യമാണ്. സ്ഥലത്തെ കെട്ടിട നിർമമാണ ചട്ടത്തിനനുസരിച്ച് അവ നിർമ്മിക്കുന്നുവെന്ന് ഉറപ്പാക്കുകയും ചെയ്യുന്ന ജോലി ആർകിടെക്‌റ്റിനുള്ളതാ . മികച്ച ഒരു ആർക്കിടെക്‌റ്റിന് ഏകദേശം 27 ലക്ഷം രൂപയോളം പ്രതിവ‌ർഷം ഇന്ത്യയിൽ സമ്പാദിക്കാനാകുമെന്നാണ് കണക്കുകൂട്ടൽ .

പിന്നെ കൊമേഴ്‌സ്യൽ പൈലറ്റ് , യാത്രാവിമാനങ്ങൾ കൈകാര്യം ചെയ്യാനും കാർഗോ വിതരണത്തിനും അടിയന്തര ഘട്ട സ‌ർവീസുകൾക്കും ഒരു മികച്ച കൊമേഴ്‌സ്യൽ പൈലറ്റിന്റെ അനുഭവം വലിയ ഗുണം ചെയ്യും. മികച്ച പ്ളാനിംഗും അവയുടെ നടത്തിപ്പും വഴി വിമാനയാത്ര എളുപ്പമുള്ളതാക്കാൻ പൈലറ്റുമാർക്ക് സാധിക്കും.

വിമാനം യാത്രപുറപ്പെടും മുൻപ് പരിശോധിച്ച് പ്രശ്‌നങ്ങളില്ലെന്ന് ഉറപ്പാക്കാനും ശരിയായ പ്ളാനിംഗ് നടത്താനും ആധുനിക സാങ്കേതിക വിദ്യാ സഹായത്തോടെ യാത്ര നിശ്ചയിക്കാനും കഴിയുന്ന ഒരു നല്ല പൈലറ്റിന് പ്രതിവർഷം 27 ലക്ഷം വരെ ശരാശരി വരുമാനം ലഭിക്കുന്നു .

അതുപോലെ പ്രൊഡക്‌ട് മാനേജർമാർ, വിപണിയിലേക്ക് ഒരു കമ്പനിയുടെയോ സ്ഥാപനത്തിന്റെയോ വസ്‌തുക്കൾ എത്തിക്കുന്നതിനും ഇവ മികച്ച രീതിയിൽ മാർക്കറ്റ് ചെയ്യാനും പ്രൊഡക്‌ട് മാനേജർമാർ വേണം. ഒരു ഉൽപന്നത്തിന്റെ നിർമ്മാണത്തിൽ സാങ്കേതികപരമായ കാര്യങ്ങളെ ബിസിനസ് തന്ത്രങ്ങളോട് യോജിപ്പിക്കുന്ന വിധം തീരുമാനമെടുക്കാൻ മാനേജർമാർ വേണം.

ഇന്ത്യൻ വിപണിയിൽ തന്റെ ഉൽപ്പന്നം മുന്നേറുന്നുവെന്ന് ഉറപ്പാക്കേണ്ട ജോലി നോക്കുന്ന ഇവർ പ്രതിവർഷം 25 ലക്ഷത്തോളം പ്രതിഫലം ശരാശരി കൈപ്പറ്റുന്നു .

ഇൻവെസ്റ്റ്‌മെന്റ് ബാങ്കറും അതുപോലെയാണ് , ധനകാര്യ സ്ഥാപനങ്ങളുടെ മൂലധന വ‌ർദ്ധനവിന് സഹായിക്കുന്നവരാണ് ഇൻവെസ്റ്റ്‌മെന്റ് ബാങ്കർ. സാമ്പത്തിക മേഖലയിലെ ലയനങ്ങൾക്കും മറ്റ് കമ്പനികളെ ഏറ്റെടുക്കുന്നതിനും മറ്റിടങ്ങളിൽ നിക്ഷേപിക്കുന്നതിന് കമ്പനികൾക്ക് മികച്ച ഉപദേശം നൽകാനും സഹായിക്കുന്നവരാണിവ‌‌ർ.

ഇവയ്‌ക്കെല്ലാം ശേഷമാണ് ഇന്ത്യയിൽ ഏറ്റവും തിരക്കേറിയ എഞ്ചിനീയർ, ഡോക്‌ടർ പ്രൊഫഷനുകളിൽ നിന്നുള്ള വരുമാനം. ടെക്‌നോളജി വ്യവസായ മേഖലയിൽ ഏറ്റവും ആവശ്യമുള്ളവരായ സോഫ്‌ട്‌വെയർ എഞ്ചിനീയർ, ഡെവലപ്പർ തസ്‌തികയ്‌ക്ക് മിക്കയിടത്തും ശരാശരി ലഭിക്കുന്ന വർഷ ശമ്പളം ഒൻപത് ലക്ഷം രൂപയാണ്.

എല്ലാവരും എൻജിനീയറും ഡോക്റ്റർമാരും ആയില്ലെങ്കിലും ഇതുപോലുള്ളവർക്കും കൈനിറയെ ശമ്പളം വാരിക്കൂട്ടാം