മൊബൈല്‍ ഫോണ്‍ യുഗത്തിന്റെ അന്ത്യമടുത്തു:മാര്‍ക്ക് സക്കര്‍ബര്‍ഗ്

മൊബൈല്‍ ഫോണ്‍ യുഗത്തിന്റെ അന്ത്യമടുത്തെന്ന് മെറ്റ സി.ഇ.ഒ മാര്‍ക്ക് സക്കര്‍ബര്‍ഗ്. മൊബൈല്‍ ഫോണിന് പകരം സ്മാര്‍ട്ട് ഗ്ലാസുകള്‍ കളം പിടിക്കുമെന്നാണ് സക്കര്‍ബര്‍ഗിന്റെ പ്രവചനം. ഇതിനു ഡിജിറ്റല്‍ ഇന്‍ഫര്‍മേഷനുകള്‍ ലഭിക്കുകയെന്നത് ഇന്ന് ഒഴിച്ചുകൂടാനാകാത്ത കാര്യമാണെന്നും ഇതിന് സഹായിക്കുന്ന ഡിവൈസായി സ്മാര്‍ട്ട് ഗ്ലാസുകള്‍ മാറിക്കഴിഞ്ഞുവെന്നും സക്കര്‍ബര്‍ഗ് ചൂണ്ടിക്കാണിക്കുന്നു. അടുത്ത പത്തു വര്‍ഷത്തിനുള്ളില്‍ സ്മാര്‍ട്ട് ഫോണുകള്‍ക്ക് ബദലായി സ്മാര്‍ട്ട് ഗ്ലാസുകള്‍ പ്രചാരം നേടുമെന്നാണ് സക്കര്‍ബര്‍ഗ് അഭിപ്രായപ്പെടുന്നത്.

ആളുകള്‍ക്ക് സാങ്കേതിക വിനിമയത്തിനുള്ള പ്രധാന മാര്‍ഗമായി സ്മാര്‍ട്ട് ഗ്ലാസ്സുകള്‍ മാറും. ഇതോടെ നമ്മള്‍ സാങ്കേതിക വിദ്യയുമായി സമ്പര്‍ക്കം പുലര്‍ത്തുന്ന രീതിയില്‍ വന്‍ മാറ്റമുണ്ടാകും. പോക്കറ്റില്‍നിന്ന് പുറത്തെടുക്കാന്‍ പോലും മെനക്കെടേണ്ടാത്ത ഡിവൈസുകളിലൂടെയുള്ള ഡിജിറ്റല്‍ കണ്ടന്റുകളുമായി ആശയവിനിമയം നടത്താന്‍ സ്മാര്‍ട്ട് ഗ്ലാസുകളിലൂടെ സാധിക്കും. ആവശ്യമായ കാര്യങ്ങളെല്ലാം കണ്ണുചിമ്മി തുറക്കുന്നതോടെ മുന്നില്‍ തെളിയുന്ന തരത്തിലുള്ള ഡിസൈന്‍ ആണ് സ്മാര്‍ട്ട് ഗ്ലാസ്സുകളുടേതെന്നും സക്കര്‍ബര്‍ഗ് പറയുന്നു