മുസ്ലിം ലീഗിൽ നിന്ന് മുഖ്യമന്ത്രിയുണ്ടാവണമെന്ന ആവശ്യം ഇതുവരെ മുന്നോട്ടുവെച്ചിട്ടില്ല: പിഎംഎ സലാം

കൊച്ചി: അടുത്ത നിയമസഭാ തിരഞ്ഞെടുപ്പിൽ യുഡിഎഫ് അധികാരത്തിലെത്തിയാൽ മുസ്ലിം ലീഗിൽ നിന്ന് മുഖ്യമന്ത്രിയുണ്ടാവണമെന്ന ആവശ്യം ഇതുവരെ മുന്നോട്ടുവെച്ചിട്ടില്ലെന്ന് ജനറൽ സെക്രട്ടറി പിഎംഎ സലാം. യു.ഡി.എഫിലെ എല്ലാഘടകകക്ഷികളും കൂടെ മുസ്ലിം ലീഗിൽനിന്ന് മുഖ്യമന്ത്രി വേണമെന്ന് പറഞ്ഞാൽ, പറ്റില്ലെന്ന് വാശിപിടിക്കാൻ മുസ്ലിം ലീഗിന് സാധിക്കില്ലെന്നും പിഎംഎ സലാം പറഞ്ഞു.യുഡിഎഫിൽ തീരുമാനം എടുക്കുന്നത് എല്ലാവരും കൂടിയാലോചിച്ചാണ്. സന്തോഷത്തോടെ എല്ലാവരും കൂടെ തീരുമാനിച്ചാൽ അത് ഏറ്റെടുക്കുന്നതിൽ മുസ്ലിം ലീഗിന് എന്താണ് വിരോധമുള്ളത്.

യുഡിഎഫിലെ എല്ലാഘടകകക്ഷികളും കൂടെ മുസ്ലിം ലീഗിൽനിന്ന് മുഖ്യമന്ത്രി വേണമെന്ന് പറഞ്ഞാൽ, പറ്റില്ലെന്ന് വാശിപിടിക്കാൻ മുസ്ലിം ലീഗിന് സാധിക്കില്ല. മുസ്ലിം ലീഗ് ഇതുവരെ അങ്ങനെയൊരു ആവശ്യം മുന്നോട്ടുവെച്ചിട്ടില്ല. വെക്കുന്നതിനെക്കുറിച്ച് ആലോചിച്ചിട്ടില്ല. ജനങ്ങൾ യു.ഡി.എഫിന്റെ കൂടെയാണെന്ന തികഞ്ഞ ആത്മവിശ്വാസമുള്ളതുകൊണ്ടാണ് ലീഡറെക്കുറിച്ചുള്ള ചർച്ച മുന്നണിയിൽ നടക്കുന്നത്. അതിനപ്പുറത്തേക്കൊന്നുമില്ലെന്നും പിഎംഎ സലാം കൂട്ടിച്ചേർത്തു.