നഴ്‌സിങ് വിദ്യാര്‍ഥിനിയെ വാടകമുറിയിൽ തൂങ്ങി മരിച്ച നിലയിൽ കണ്ടെത്തി

ലഖ്‌നൗ : നഴ്‌സിങ് വിദ്യാര്‍ഥിനിയെ വാടക മുറിയിൽ തൂങ്ങി മരിച്ച നിലയിൽ കണ്ടെത്തി. ഉത്തര്‍പ്രദേശിലെ മൊറാദാബാദ് ജില്ലയില്‍ 21-കാരിയായ നഴ്‌സിങ് വിദ്യാര്‍ഥിനിയെയാണ് തൂങ്ങി മരിച്ച നിലയിൽ കണ്ടെത്തിയത്. കേസരി കുഞ്ച് കോളനിയിലെ വാടകമുറിയിലാണ് സംഭവം നടന്നത്. ജ്യോതി സിങ് (21) ആണ് മരിച്ചത്. ബിഎസ്സി നഴ്സിങ് വിദ്യാര്‍ഥിനിയായ ജ്യോതിയുടെ മരണം സംബന്ധിച്ച വിവരങ്ങൾ തിങ്കളാഴ്ച രാവിലെയോടെയാണ് തങ്ങൾക്ക് ലഭിച്ചതെന്ന് സിറ്റി പോലീസ് സൂപ്രണ്ട് കുമാര്‍ രണ്‍വിജയ് സിംഗ് പറഞ്ഞു.

പെൺകുട്ടി താമസിച്ച വാടക മുറിയിൽ നിന്നും ആത്മഹത്യാ കുറിപ്പൊന്നും കണ്ടെത്തിയിട്ടില്ല. ഫോറന്‍സിക് സംഘവും പോലീസും സംഭവസ്ഥലത്തെത്തി പരിശോധന നടത്തി. ബബ്‌നി സ്വാദേശിയാണ് മരിച്ച ജ്യോതി സിങ്. പെണ്‍കുട്ടിയുടെ കുടുംബത്തെ മരണവിവരം അറിയിച്ചിട്ടുണ്ടെന്ന് പോലീസ് പറഞ്ഞു.