എമിറേറ്റ്‌സിന്റെ എ350 വിമാനങ്ങള്‍ റിപ്പബ്ലിക് ദിനത്തില്‍ ഇന്ത്യയിലേക്ക് സര്‍വീസ് ആരംഭിക്കും

ദുബൈ: റിപ്പബ്ലിക് ദിനത്തില്‍ എമിറേറ്റ്‌സിന്റെ എയര്‍ബസ് എ ത്രീ ഫിഫ്റ്റി (എ350) വിമാനങ്ങള്‍ ഇന്ത്യയിലേക്ക് സര്‍വീസ് ആരംഭിക്കും. അതിവേഗ വൈഫൈ ഉള്‍പ്പെടെ അത്യാധുനിക സൗകര്യമുള്ള യാത്രാവിമാനങ്ങളാണ് എയര്‍ബസിന്റെ എ350.മുംബൈ, അഹമ്മദാബാദ് എന്നിവിടങ്ങളിലേക്കാണ് എമിറേറ്റിസിന്റെ ആദ്യ എ 350 വിമാനങ്ങള്‍ പറക്കുക.

ഇകെ502, ഇകെ503 വിമാനങ്ങള്‍ മുംബൈക്കും ദുബൈക്കുമിടയില്‍ എല്ലാദിവസവും സര്‍വീസ് നടത്തും. ഉച്ചക്ക് 1.15 ന് ദുബൈയില്‍ നിന്ന് പുറപ്പെടുന്ന വിമാനം വൈകീട്ട് ഇന്ത്യന്‍ സമയം 5.50 ന് മുംബൈയിലെത്തും. തിരികെ രാത്രി 7.20 ന് പുറപ്പെട്ടുന്ന വിമാനം രാത്രി 9.05 ന് ദുബൈയിലിറങ്ങും. ഇകെ538, ഇകെ539 വിമാനങ്ങളാണ് അഹമ്മദാബാദ്-ദുബൈ റൂട്ടില്‍ പറക്കുക. ദിവസവും രാത്രി 10.50 ദുബൈയില്‍ നിന്ന് പുറപ്പെടുന്ന വിമാനം പുലര്‍ച്ചെ 2.55 ന് അഹമ്മദാബാദിലെത്തും. തിരികെ പുലര്‍ച്ചെ 4.25 ന് പുറപ്പെട്ട് രാവിലെ 6.15 ന് ദുബായിയിലെത്തും.