പ്രേക്ഷകരുടെ പ്രാ​യം അ​നു​സ​രി​ച്ച് സി​നി​മ; ക്ലാസിഫിക്കേഷൻ നടത്തുമെന്ന് കു​വൈ​ത്ത്

കു​വൈ​ത്ത് സി​റ്റി: പ്രേക്ഷകരുടെ പ്രാ​യം അ​നു​സ​രി​ച്ച് സി​നി​മ​യെ ത​രം​തി​രി​ക്കു​മെ​ന്ന് കു​വൈ​ത്ത് വാ​ർ​ത്ത വി​നി​മ​യ മ​ന്ത്രാ​ല​യം അ​റി​യി​ച്ചു. എ​ല്ലാ പ്രാ​യ​വി​ഭാ​ഗ​ക്കാ​ർ​ക്കും അ​നു​യോ​ജ്യ​മാ​യ സി​നി​മ​ക​ളെ ‘ജി’ ​വി​ഭാ​ഗ​ത്തി​ൽ​പെ​ടു​ത്തും. കു​ട്ടി​ക​ൾ ര​ക്ഷി​താ​ക്ക​ളു​ടെ സാ​ന്നി​ധ്യ​ത്തി​ൽ മാ​ത്രം കാ​ണേ​ണ്ട സി​നി​മ​ക​ൾ ‘പി.​ജി’ വി​ഭാ​ഗ​ത്തി​ലാ​ണ് ഉ​ൾ​പ്പെ​ടു​ത്തുക. ‘പി.​ജി 12’ എ​ന്ന​ത് കൊ​ണ്ട് ഉ​ദ്ദേ​ശി​ക്കു​ന്ന​ത് 12 വ​യ​സ്സി​ൽ താ​ഴെ​യു​ള്ള​വ​ർ ര​ക്ഷി​താ​ക്ക​ളോ​ടൊ​പ്പം മാ​ത്രം സിനിമ കാ​ണു​ക എ​ന്നാ​ണ്. 15 വ​യ​സ്സി​ന് മു​ക​ളി​ലു​ള്ള​വ​ർ മാ​ത്രം ‘പി.​ജി 15’ സി​നി​മ​ക​ൾ കാ​ണു​ക.

പതിനെട്ട് വ​യ​സ്സി​ന് മു​ക​ളി​ലു​ള്ള​വ​ർ​ക്ക് കാ​ണാ​ൻ ക​ഴി​യു​ന്ന സി​നി​മ​ക​ളെ ‘ആ​ർ 18’ വി​ഭാ​ഗ​ത്തി​ൽ ഉ​ൾ​പ്പെ​ടു​ത്തും. ഈ ​വി​വ​ര​ങ്ങ​ൾ ടി​ക്ക​റ്റി​ൽ ഉ​ൾ​പ്പെ​ടു​ത്താ​ൻ ബ​ന്ധ​പ്പെ​ട്ട​വ​ർ​ക്ക് നി​ർ​ദേ​ശം ന​ൽ​കി​യ​താ​യി മ​ന്ത്രാ​ല​യം അ​റി​യി​ച്ചു. കു​വൈ​ത്ത് പി​ന്തു​ട​രു​ന്ന പൊ​തു ധാ​ർ​മി​ക മ​ര്യാ​ദ​ക​ളും കു​ട്ടി​ക​ളു​ടെ മാ​ന​സി​ക വ​ള​ർ​ച്ച സം​ബ​ന്ധി​ച്ച പ​ഠ​ന​ങ്ങ​ളും മാ​ന​ദ​ണ്ഡ​മാ​ക്കി​യാ​ണ് സി​നി​മ ക്ലാ​സി​ഫി​ക്കേ​ഷ​ൻ ന​ട​ത്തു​ന്നത്. അ​ധാ​ർ​മി​ക​വും രാ​ജ്യ​വി​രു​ദ്ധ​വും സാ​മൂ​ഹി​ക വി​രു​ദ്ധ​വു​മാ​യ സി​നി​മ​ക​ൾ​ക്ക് പ്ര​ദ​ർ​ശ​നാ​നു​മ​തി ന​ൽ​കി​ല്ലെ​ന്നും അ​ധി​കൃ​ത​ർ വ്യ​ക്ത​മാ​ക്കിയിട്ടുണ്ട്.