പറന്ന് പറന്ന് പറന്ന് ചെല്ലാന്‍; സിദ്ധാര്‍ത്ഥ് ഭരതൻ ചിത്രത്തിന്റെ ടീസര്‍ പുറത്തെത്തി

സിദ്ധാര്‍ത്ഥ് ഭരതന്റെ പുതിയ ചിത്രമായ പറന്ന് പറന്ന് പറന്ന് ചെല്ലാന്‍ ചിത്രത്തിന്റെ ടീസര്‍ പുറത്തെത്തി. വ്യത്യസ്തങ്ങളായ കഥാപാത്രങ്ങളെയാണ് ഓരോ ചിത്രങ്ങളിലും സിദ്ധാര്‍ത്ഥ് ഭരതന്‍ അവതരിപ്പിക്കുന്നത്. ഈ ചിത്രത്തിലും ഇതുവരെ കാണാത്ത ഒരു കഥാപാത്രമായാണ് താരം എത്തുന്നത്. ഒരു ഹൊറര്‍ മൂഡ് തരുന്ന ഒരു ത്രില്ലര്‍ ചിത്രത്തിന്റെ ഫീല്‍ ആണ് ടീസറിലൂടെ ലഭിക്കുന്നത്.

ജെ എം ഇന്‍ഫോര്‍ട്ടെയ്ന്‍മെന്റ് നിര്‍മ്മിക്കുന്ന ചിത്രത്തില്‍ ഉണ്ണി ലാലുവും സിദ്ധാര്‍ത്ഥ് ഭരതനും പ്രധാന വേഷങ്ങളില്‍ എത്തുന്നു. ജിഷ്ണു ഹരീന്ദ്ര സംവിധാനം ചെയ്യുന്ന ചിത്രത്തിന്റെ തിരക്കഥ ഒരുക്കിയിരിക്കുന്നത് വിഷ്ണുരാജ്. ഛായാഗ്രഹണം മധു അമ്പാട്ട്, എക്‌സിക്യൂട്ടീവ് പ്രൊഡ്യൂസര്‍ പ്രകാശ് ടി ബാലകൃഷ്ണന്‍, എഡിറ്റര്‍ സി ആര്‍ ശ്രീജിത്ത്. ഹാസ്യത്തിന്റെ മേമ്പടിയോടുകൂടി ഒരുങ്ങുന്ന ഒരു ഫാമിലി ഡ്രാമ ചിത്രം കൂടിയാണിത്. വിജയരാഘവന്‍, സജിന്‍ ചെറുകയില്‍, സമൃദ്ധി താര, ശ്രീജ ദാസ്, ശ്രീനാഥ് ബാബു, ദാസന്‍ കൊങ്ങാട്, രതീഷ് കുമാര്‍ രാജന്‍, കലാഭവന്‍ ജോഷി തുടങ്ങിയവരും ചിത്രത്തില്‍ പ്രധാന വേഷങ്ങളില്‍ എത്തുന്നു.

സംഗീതം ജോയ് ജിനിത്, രാംനാഥ് എന്നിവര്‍ ചേര്‍ന്നൊരുക്കുന്നു. ദിന്‍നാഥ് പുത്തഞ്ചേരി, ദീപക് റാം, അരുണ്‍ പ്രതാപ് എന്നിവരുടേതാണ് വരികള്‍. ബിജി എം ജോയ് ജിനിത്, അഡീഷണല്‍ സിനിമാറ്റോഗ്രഫി ദര്‍ശന്‍ എം അമ്പാട്ട്, കൊ എഡിറ്റര്‍ ശ്രീനാഥ് എസ്, ആര്‍ട്ട് ദുന്തു രഞ്ജീവ്, ചീഫ് അസോസിയേറ്റ് ഡയറക്ടര്‍ വിഷ്ണു ചന്ദ്രന്‍, ഡിജിറ്റല്‍ കോണ്‍ടെന്റ് മാനേജര്‍ ആരോക്‌സ് സ്റ്റുഡിയോസ്, പ്രൊഡക്ഷന്‍ കണ്‍ട്രോളര്‍ മനോജ് പൂങ്കുന്നം, എക്‌സിക്യൂട്ടീവ് പ്രൊഡ്യൂസര്‍ പ്രകാശ് ടി ബാലകൃഷ്ണന്‍, സൗണ്ട് ഡിസൈന്‍ ഷെഫിന്‍ മായന്‍, കോസ്റ്റ്യൂം ഡിസൈനര്‍ ഗായത്രി കിഷോര്‍, സരിത മാധവന്‍, മേക്കപ്പ് സജി കാട്ടാക്കട, സ്റ്റില്‍ ഫോട്ടോഗ്രഫി അമീര്‍ മാംഗോ, പി ആര്‍ ഒ മഞ്ജു ഗോപിനാഥ്. പാലക്കാട്ടും കുന്നങ്കുളത്തുമായി ഷൂട്ടിംഗ് പൂര്‍ത്തിയാക്കിയ ചിത്രം ജനുവരി 31 ന് തിയറ്ററുകളില്‍ എത്തും.