രാഹുൽ ഗാന്ധിക്ക് വനിതാ കമ്മീഷന്റെ നോട്ടീസ്

ന്യൂഡൽഹി: പാർലമെന്റിൽ വനിതാ എംപിയോട് മോശമായി പെരുമാറിയെന്ന പരാതിയിൽ പ്രതിപക്ഷ നേതാവ് രാഹുൽ ഗാന്ധിക്ക് വനിതാ കമ്മീഷന്റെ നോട്ടീസ്. പാർലമെന്റിൽ നടന്ന സംഘർഷവുമായി ബന്ധപ്പെട്ട് വനിതാ എം പി നൽകിയ പരാതിയിലാണ് നടപടി. നാഗാലാന്‍ഡില്‍ നിന്നുള്ള വനിത എംപി ഫാംഗ്‌നോന്‍ കോണ്യാക്കിനോട് മോശമായി പെരുമാറി എന്ന ആരോപണത്തിലാണ് രാഹുല്‍ ഗാന്ധിക്കെതിരെ ദേശീയ വനിതാ കമ്മീഷന്‍ സ്വമേധയാ കേസെടുത്തത്.

പാർലമെന്റിൽ നടന്ന സംഘർഷവുമായി ബന്ധപ്പെട്ട് രാഹുൽ തൻ്റെ അടുത്തുവന്ന്​ ആക്രോശിച്ചുവെന്നും ഇത്​ തനിക്ക് അസ്വസ്ഥത ഉണ്ടക്കി എന്നും കോണ്യാക്ക് പരാതിയിൽ പറഞ്ഞു. ത​ൻ്റെ അന്തസ്സും ആത്മാഭിമാനവും രാഹുൽ ഗാന്ധി കാരണം വ്രണപ്പെട്ടതായും ഇവർ ആരോപിച്ചു. ഇനി ഇത്തരം നടപടികൾ ഉണ്ടാകരുതെന്നാണ് നിർദേശം. രാഹുൽ ഗാന്ധിക്കെതിരായ നടപടി സ്വീകരിക്കേണ്ടത് സ്പീക്കർ ആണെന്ന് കമ്മീഷൻ അധ്യക്ഷ വിജയ കിഷോർ രഹത്കർ പറഞ്ഞു.