നാടൻതോക്കും വെടിമരുന്നുംസൂക്ഷിച്ചിരുന്നയാൾ പിടിയിൽ

തെന്മല :അനധികൃതമായി നാടൻതോക്കും വെടിമരുന്നും സൂക്ഷിച്ചിരുന്ന ആൾ അറസ്റ്റിൽ. ഒറ്റക്കൽ പാറവിളവീട്ടിൽ തമ്പി(56)യാണ് പോലീസ് അറസ്റ്റ് ചെയ്‌തത്‌.

തമ്പി വാടകയ്ക്കു താമസിക്കുന്ന ഇടമണിലെ വീട്ടിൽ തെന്മല പോലീസ് കഴിഞ്ഞദിവസം രഹസ്യവിവരപ്രകാരം നടത്തിയ പരിശോധനയിലാണ് ലൈസൻസ് ഇല്ലാത്ത നാടൻതോക്കും വെടിമരുന്നും കവറുകളിൽ സൂക്ഷിച്ച കത്തികളും കണ്ടെത്തിയത്.

മൃഗവേട്ടയ്ക്ക് ഉപയോഗിക്കുന്ന തരത്തിലുള്ള ആയുധങ്ങളാണെന്ന് കണ്ടെത്തിയത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.