സംസ്കൃത സർവ്വകലാശാല താളിയോല ഗ്രന്ഥശാലയിലേയ്ക്ക് അപൂർവ്വ താളിയോല ഗ്രന്ഥങ്ങളും പുസ്തകങ്ങളുടെ ശേഖരവും കൈമാറി

പാലക്കാട്, നെന്മാറ പി. നാരായണൻ നായരുടെയും നെന്മാറ പടിഞ്ഞാറെ പാറയിൽ വിശ്വനാഥൻ നായരുടെയും വേലായുധൻ വടവുകോടിന്റെയും അപൂർവ്വ താളിയോല ഗ്രന്ഥങ്ങളും പുസ്തകങ്ങളുടെ ശേഖരവും ശ്രീശങ്കരാചാര്യ സംസ്കൃത സർവ്വകലാശാലയിലെ താളിയോല ഗ്രന്ഥശാലയ്ക്ക് കൈമാറി. വൈസ് ചാൻസലർ പ്രൊഫ. കെ. കെ. ഗീതാകുമാരി അപൂർവ്വ താളിയോല ഗ്രന്ഥങ്ങളും പുസ്തകങ്ങളുടെ ശേഖരവും വിശ്വനാഥൻ നായരുടെ മകൾ വത്സല മേനോനിൽ നിന്നും ഏറ്റുവാങ്ങി.

സിൻഡിക്കേറ്റ് അംഗം ഡോ. ടി. മിനി, രജിസ്ട്രാർ ഡോ. മോത്തി ജോർജ്, സംസ്കൃത പ്രചാരണ പദ്ധതിയുടെ നോഡൽ ഓഫീസർ ഡോ. കെ. വി. അജിത്കുമാർ, പ്രൊഫ. ലിസി മാത്യു, ഡോ. വി. കെ. ഭവാനി, സൂസൻ സി, കെ. സന്ധ്യ, വത്സല മേനോന്റെ മക്കളായ എസ്. സിന്ധു, എസ്. ശോഭ എന്നിവർ പങ്കെടുത്തു.