പാലക്കാട്ടെ പോലീസ് റെയ്ഡ് ; എസ്.പി ഓഫീസിലേക്ക് യുഡിഎഫിന്റെ പ്രകടനം

പാലക്കാട് : കള്ളപ്പണം ആരോപിച്ച് കോണ്‍ഗ്രസ് നേതാക്കളുടെ ഹോട്ടല്‍ മുറികളില്‍ പോലീസ് പരിശോധന നടത്തിയതില്‍ സംസ്ഥാനത്ത് ശക്തമായ പ്രതിഷേധവുമായി യുഡിഎഫ്. പാലക്കാട് എസ്.പി.ഓഫീസിലേക്ക് കോൺഗ്രസ് പ്രവർത്തകർ നടത്തിയ പ്രതിഷേധമാർച്ചിൽ സംഘർഷം. ബാരിക്കേഡ് മറികടക്കാനുള്ള പ്രവർത്തകരുടെ ശ്രമം പോലീസ് തടഞ്ഞതോടെയാണ് സ്ഥലത്ത് സംഘർഷാവസ്ഥയിലേക്ക് കാര്യങ്ങൾ നീങ്ങിയത്.

പോലീസും പ്രവർത്തകരും തമ്മിൽ ചെറിയതോതിൽ ഉന്തുംതള്ളുമുണ്ടായി. സംഘർഷം ശക്തമായതോടെ പ്രവർത്തകരെ സമാധാനിപ്പിക്കാൻ നേതാക്കൾ ശ്രമിച്ചെങ്കിലും പ്രവർത്തകർ പിരിഞ്ഞുപോകാൻ തയ്യാറായില്ല.