കൊല്ലം പരവൂരിൽ മദ്യലഹരിയിൽ വീട്ടിലെത്തിയ മകന്റെ മർദനമേറ്റ് കിടപ്പുരോ​ഗിയായ പിതാവിന് ദാരുണാന്ത്യം

കൊല്ലം: കൊല്ലം പരവൂരിൽ മദ്യലഹരിയിൽ വീട്ടിലെത്തിയ മകന്റെ മർദനമേറ്റ് കിടപ്പുരോ​ഗിയായ പിതാവിന് ദാരുണാന്ത്യം. പൂതക്കുളം പുന്നേക്കുളം സ്വദേശി ശശിയാണ് മരിച്ചത്. മകൻ ശരത്തിനെ പരവൂർ പോലീസ് അറസ്റ്റ് ചെയ്തു. ബന്ധുക്കളുടെ മൊഴിയുടെ അടിസ്ഥാനത്തിലാണ് പ്രതിയെ അറസ്റ്റ് ചെയ്തത്.

ബുധനാഴ്ച രാത്രി ശശിയെ ക്രൂരമായി മർദിക്കുകയായിരുന്നു. ശരത്തിന്റെ മകനെ, ശശി വേണ്ടരീതിയിൽ നോക്കിയില്ലെന്ന് ആരോപിച്ചായിരുന്നു മർദനം.

ശശിയുടെ മുഖത്തടക്കം ശരത്ത് ക്രൂരമായി മർദിച്ചു. ഗുരുതരമായി പരിക്കേറ്റ ശശിയെ ബന്ധുക്കള്‍ ഇടപെട്ട് ​ പാരിപ്പള്ളി മെഡിക്കൽ കോളേജിൽ പ്രവേശിപ്പിച്ചെങ്കിലും വെള്ളിയാഴ്ച പുലർച്ചെ മൂന്ന് മണിയോടെ മരണം സംഭവിക്കുകയായിരുന്നു.