ക്രിസ്മസ് അവധി: കേരളത്തിലേക്കുൾപ്പെടെ 1000 പ്രത്യേക സർവീസ് നടത്താനൊരുങ്ങി കർണാടക ആർ.ടി.സി

കേരളത്തിലേക്കുള്ള ബസുകൾ ശാന്തിനഗർ ബസ് സ്റ്റേഷനിൽനിന്ന് പുറപ്പെടും. കെംപെഗൗഡ ബസ് സ്റ്റേഷനിൽനിന്ന് ധർമസ്ഥല, കുക്കെ സുബ്രഹ്മണ്യ, ശിവമോഗ, ഹാസൻ, മംഗളൂരു, കുന്ദാപുര, ശൃംഗേരി, ഹൊറനാട്, ദാവണഗെരെ, ഹുബ്ബള്ളി, ധാർവാഡ്, ബെലഗാവി, വിജയപുര, ഗോകർണ, സിർസി, കാർവാർ, റായ്ചൂരു, കലബുറഗി, ബല്ലാരി, കൊപ്പാൾ, യാദ്ഗിർ, ബീദർ, തിരുപ്പതി, വിജയവാഡ, ഹൈദരാബാദ് തുടങ്ങിയ സ്ഥലങ്ങളിലേക്ക് സർവീസ് നടത്തും. മൈസൂരു റോഡ് ബസ് സ്റ്റേഷനിൽനിന്ന് മൈസൂരു, ഹുൻസൂർ, പിരിയപട്ടണ, വിരാജ്‌പേട്ട്, കുശാൽനഗർ, മടിക്കേരി എന്നിവിടങ്ങളിലേക്കും സർവീസ് നടത്തും. മധുര, കുംഭകോണം, ചെന്നൈ, കോയമ്പത്തൂർ, തിരുച്ചി എന്നിവിടങ്ങളിലേക്കുള്ള ബസുകളും ശാന്തിനഗറിൽനിന്നാണ് പുറപ്പെടുന്നത്.