ആൺസുഹൃത്തുമായി ബന്ധം; ഒന്നരവയസ്സുള്ള മകനെ യുവതി പുഴയിലെറിഞ്ഞുകൊന്നു

ആൺസുഹൃത്തുമായുള്ള ബന്ധത്തിന് തടസ്സമായതിനാൽ ഒന്നരവയസ്സുള്ള മകനെ യുവതി പുഴയിലെറിഞ്ഞുകൊന്നു. രാമനഗര ജില്ലയിലെ ചന്നപട്ടണയിൽ ചൊവ്വാഴ്ച രാത്രിയാണ് സംഭവം. തുണിയലക്കാനെന്ന വ്യാജേന പുഴക്കരയിലെത്തിയ യുവതി മകനെ വെള്ളത്തിലെറിയുകയായിരുന്നു. പിന്നീട് കുട്ടി പുഴയിൽ വീണെന്നുപറഞ്ഞ് ആളുകളെ വിളിച്ചുകൂട്ടി. പ്രദേശവാസികൾ നടത്തിയ തിരച്ചിലിനൊടുവിൽ ബുധനാഴ്ച രാവിലെയാണ് കുട്ടിയുടെ മൃതദേഹം കണ്ടെത്തിയത്.