ബൈക്കിന് പിറകെ കാറിടിച്ച് യുവാവിന് ദാരുണാന്ത്യo

വേങ്ങര:   ബൈക്കിന് പിറകെ കാറിടിച്ച് യുവാവിന് ദാരുണാന്ത്യo .അമിത വേഗത്തിൽ പാഞ്ഞെത്തിയ കാര്‍ ബൈക്കില്‍ ഇടിച്ച് കുന്നുംപുറം ചെപ്പിയാലം വളയങ്ങാടന്‍ മുഹമ്മദലിയുടെ മകന്‍ ഹിഷാം അലി (19) യാണ് മരിച്ചത് .

പുകയൂര്‍ യാറത്തുംപടി റോഡില്‍ കൊട്ടം ചാലിനു സമീപമാണ് ഞായറാഴ്ച രാവിലെ ഏഴോടെ അപകടം സംഭവിച്ചത് .

സഹോദരി ജസയെ ബൈക്കില്‍ മദ്രസ്സയിലാക്കുന്നതിനായി പോവുകയായിരുന്നു ഹിഷാം അലി. ആ സമയത്ത് അമിത വേഗതയിൽ കാർ വരുന്നതായി കണ്ടുവെന്ന് ദൃക്‌സാക്ഷികള്‍ പറയുന്നത് .മരിച്ച ഹിഷാം അലി കുറ്റൂര്‍ നോര്‍ത്ത്  കെ എം എച്ച് എസ് എസിലെ പ്ലസ് ടു വിദ്യാര്‍ഥിയാണ് . പരിക്കേറ്റ സഹോദരി കോട്ടക്കല്‍ സ്വകാര്യ ആശുപത്രിയില്‍ ചികത്സയിൽ കഴിയുകയാണ്.

അലിയുടെ മൃതദേഹം തിരൂരങ്ങാടി താലൂക് ആശുപത്രിയിലേക്ക് മാറ്റി. പോസ്റ്റ് മാര്‍ട്ടത്തിനു ശേഷം ചെപ്പിയാലം ജുമാ മസ്ജിദില്‍ ഖബറടക്കും.ഉമ്മ : സുഹ്‌റ. നസഎന്ന് മറ്റൊരു സഹോദരിയുമുണ്ട്.