ലോക പോലീസ് ഉച്ചകോടിക്ക് ദുബായിൽ തുടക്കം

300-ലേറെ പ്രഭാഷകരും വിദഗ്ധരും ത്രിദിന പരിപാടിയിൽ പങ്കെടുക്കുന്നുണ്ട്. ആഗോള സുരക്ഷാവെല്ലുവിളികളെ അഭിസംബോധനചെയ്യുന്നതിലും നൂതന സാങ്കേതികവിദ്യകൾ പ്രയോജനപ്പെടുത്തിക്കൊണ്ട് പ്രശ്നങ്ങൾക്ക് പരിഹാരങ്ങൾ കാണുന്നതിനും ഉച്ചകോടി നിർണായകമാകും. സൈബർ സുരക്ഷ, കുറ്റകൃത്യങ്ങൾക്കെതിരേയുള്ള പോരാട്ടം, പോലീസ് പ്രവർത്തനങ്ങളിലെ നിർമിതബുദ്ധിയുടെ പങ്ക്, സാമൂഹികസുരക്ഷ, നിലവിലെ സുരക്ഷാഭീഷണികൾ എന്നിവയുൾപ്പെടെ വിവിധ വിഷയങ്ങൾ ഉച്ചകോടിയിൽ ചർച്ചയാകും.