കൗതുകവും ആകാംക്ഷയും ജനിപ്പിച്ച് ‘വടക്കൻ’ ഒ.ടി.ടിയില്‍ എത്തി

ഹൊറർ ത്രില്ലർ ‘വടക്കന്‍’ ഒ.ടി.ടിയില്‍ എത്തി. നവാഗതനും ബോംബെ മലയാളിയുമായ സജീദ് എ സംവിധാനം ചെയ്ത ചിത്രത്തിൽ കിഷോർ, സ്വാതി എന്നിവരാണ് പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. ആമസോണ്‍ പ്രൈം വിഡിയോയിലാണ് സ്ട്രീമിങ് ആരംഭിച്ചിരിക്കുന്നത്.

ഓസ്കർ ജേതാവ് റസൂൽ പൂക്കുട്ടിയാണ് ചിത്രത്തിന്റെ സൗണ്ട് ഡിസൈൻ നിർവഹിച്ചിരിക്കുന്നത്. ഉണ്ണി ആർ. തിരക്കഥയും സംഭാഷണങ്ങളും ഒരുക്കിയ ചിത്രത്തിന് സംഗീതം ഒരുക്കിയിരിക്കുന്നത് ബിജിപാലാണ്. ശ്രുതി, മെറിൻ ഫിലിപ്പ്, മാലാ പാർവ്വതി, രവി വെങ്കട്ടരാമൻ, ഗാർഗി ആനന്ദൻ, ഗ്രീഷ്മ അലക്സ്, കലേഷ് രാമാനന്ദ്, കൃഷ്ണ ശങ്കർ, ആര്യൻ കതൂരിയ, മീനാക്ഷി ഉണ്ണികൃഷ്ണൻ, സിറാജ് നാസർ, രേവതി തുടങ്ങിയവരാണ് ചിത്രത്തിലെ മറ്റു പ്രധാന അഭിനേതാക്കൾ.