വ്യാജ ഹജ് ക്യാംപെയ്ൻ നടത്തിയ 4 ചൈനീസ് സംഘം പിടിയിൽ

വ്യാജ ഹജ് ക്യാംപെയ്ൻ നടത്തിയ 4 ചൈനീസ് സംഘത്തെ മക്ക പൊലീസ് അറസ്റ്റ് ചെയ്തു. ഹജ് നിർവഹിക്കാൻ ആഗ്രഹിക്കുന്നവർക്ക് പുണ്യ സ്ഥലങ്ങളിൽ താമസവും യാത്രാ സൗകര്യങ്ങളും ഒരുക്കുമെന്ന് വാഗ്ദാനം ചെയ്ത് സമൂഹമാധ്യമങ്ങളിൽ പരസ്യം നൽകിയായിരുന്നു തട്ടിപ്പ്. വ്യാജ ഹജ് സർവീസ് കമ്പനിയുടെ പേരിലാണ് തട്ടിപ്പ് നടത്തിയിരുന്നത്.

പ്രതികളെ തുടർ നടപടികൾക്കായി പബ്ലിക് പ്രോസിക്യൂഷന് കൈമാറി.ഹജ് സേവനത്തിന് ഔദ്യോഗിക കേന്ദ്രങ്ങളെ മാത്രമേ ആശ്രയിക്കാവൂ എന്നും നിയമലംഘകരെക്കുറിച്ച് മക്ക, റിയാദ്, കിഴക്കൻ പ്രവിശ്യകളിൽ 911 നമ്പറിലും മറ്റു പ്രവിശ്യകളിലുള്ളവർ 999 നമ്പറിലും അറിയിക്കണമെന്നും അഭ്യർഥിച്ചു.