ഗ്ലോബല്‍ വില്ലേജില്‍ ഏഴ് രാജ്യങ്ങളുടെ വെടിക്കെട്ട്

പുതുവര്‍ഷാഘോഷത്തോട് അനുബന്ധിച്ച് ദുബായ് ഗ്ലോബല്‍ വില്ലേജില്‍ ഏഴ് രാജ്യങ്ങളുടെ ഗംഭീര വെടിക്കെട്ട് നടക്കും. ഞായറാഴ്ച രാത്രി എട്ട് മണിക്ക് ചൈനയുടെ വെടിക്കെട്ടാണ്. ഒമ്പത് മണിക്ക് തായ്ലന്‍ഡ്, 10-ന് ബംഗ്ലാദേശ്, പത്തരയ്ക്ക് ഇന്ത്യ, 11-ന് പാകിസ്താന്‍, 12-ന് യു.എ.ഇ., ഒരു മണിക്ക് തുര്‍ക്കി എന്നിവരും വെടിക്കെട്ട് ഒരുക്കുന്നുണ്ട്.

ഓരോ മണിക്കൂറിലും സന്ദര്‍ശകര്‍ക്ക് വ്യത്യസ്തമായ പുതുവത്സരാഘോഷങ്ങള്‍ ആസ്വദിക്കാനുള്ള അവസരമാണിത്. വൈകീട്ട് നാല് മണിമുതല്‍ സന്ദര്‍ശകര്‍ക്കായി ആഗോള ഗ്രാമം തുറക്കും. ശനി, ഞായര്‍ ദിവസങ്ങളില്‍ അര്‍ധരാത്രി രണ്ട് മണിവരെ വില്ലേജ് പ്രവര്‍ത്തിക്കും. ഞായറാഴ്ച കുടുംബങ്ങള്‍ക്കും സ്ത്രീകള്‍ക്കും മാത്രമാണ് വില്ലേജിലേക്ക് പ്രവേശനം.