കെട്ടിടത്തിൽനിന്നു യുവാവ് വീണ് മരിച്ചു; മരണം മോഷണ ശ്രമത്തിനിടെയാണെന്ന് സംശയം

കൊടുവള്ളി : കെട്ടിടത്തിൽ നിന്ന് വീണ് യുവാവ് മരിച്ചു. ചുണ്ടപ്പുറം ഹംസയുടെ മകൻ യൂസഫ് (25) ആണ് കെട്ടിടത്തിൽ നിന്ന് വീണ് മരിച്ചത് . മിനി സിവിൽ സ്റ്റേഷന് താഴെയുള്ള നിർമാണത്തിലിരിക്കുന്ന കെട്ടിടത്തിലാണ് ഇന്ന് രാവിലെ മൃതദേഹം കണ്ടത് .

യൂസഫിന്റെ ചെരിപ്പും കുടയും കെട്ടിടത്തിൽ അഴിച്ചുവച്ച നിലയിൽ കണ്ടെത്തിയിട്ടുണ്ട്. മോഷണ ശ്രമത്തിനിടെ വീണു മരിച്ചതാണെന്ന് പോലീസ് സംശയിക്കുന്നത് . അതേസമയം മരിച്ച ഇയാൾ മോഷണക്കേസുകളിൽ പ്രതിയാണെന്നാണ് പൊലീസ് പറഞ്ഞത് . സംഭവത്തെക്കുറിച്ച് പൊലീസ് അന്വേഷണം ആരംഭിച്ചിട്ടുണ്ട്.