സിപിഐഎം നേതാക്കള്‍ക്കെതിരായ ആക്രമണം : രണ്ട് പേര്‍ പോലീസ് പിടിയിൽ

കാസര്‍കോട്: സിപിഐഎം നേതാക്കള്‍ക്കെതിരായ ആക്രമണം നടത്തിയ രണ്ട് പേര്‍ക്കെതിരെ പോലീസ് കേസ് എടുത്തു. അമ്പലത്തറയില്‍ സിപിഐഎം നേതാക്കള്‍ക്ക് നേരെയാണ് രണ്ട് പേര്‍ ചേർന്ന് ആക്രമണം നടത്തിയത് . സ്‌ഫോടക വസ്തു എറിഞ്ഞ രതീഷ്, കണ്ണോത്ത്തട്ട് സ്വദേശി ഷമീറുമാണ് കേസിലെ പ്രതികള്‍. എഫ്‌ഐആറില്‍ രണ്ട് പേരും ചേര്‍ന്ന് നടത്തിയ ആക്രമണമെന്നാണ് പറയുന്നത് .

ഇന്നലെ വൈകീട്ടായിരുന്നു സംഭവം അരങ്ങേറിയത് . ഷമീറിന്റെ വീട്ടില്‍ വച്ച് സിപിഐഎം നേതാക്കള്‍ക്ക് നേരെ സ്‌ഫോടക വസ്തു എറിയുകയായിരുന്നു. ആക്രമണത്തിൽ കണ്ണോത്ത്തട്ട് സ്വദേശി ആമിനയ്ക്കാണ് പരിക്കേറ്റത്.