കാസർകോട് കുട്ടിയെ തട്ടിക്കൊണ്ടു പോയി പീഡിപ്പിച്ച കേസ്; പ്രതിയെന്ന് സംശയിക്കുന്നയാൾ പോലീസ് പിടിയിലെന്ന് സൂചന

കാസർകോട്: കുട്ടിയെ തട്ടിക്കൊണ്ട് പോയി പീഡിപ്പിച്ച കേസിൽ ഒരാൾ പിടിയിൽ. സമീപപ്രദേശത്ത് നിന്ന് കിട്ടിയ സിസിടിവി ദൃശ്യങ്ങൾ ഉപയോഗിച്ചാണ് ഇയാളെ പോലീസ് കസ്റ്റഡിയിൽ എടുത്തത്. എന്നാല്‍ ഇയാളാണ് പ്രതിയെന്ന് എപ്പോഴും സ്ഥിരീകരിക്കാൻ സാധിച്ചിട്ടില്ല . ഇന്നലെ പുലര്‍ച്ചെ മൂന്ന് മണിക്കാണ് സംഭവം . വീട്ടില്‍ ഉറങ്ങിക്കിടന്ന പത്ത് വയസുകാരിയെ കട്ടിലില്‍ നിന്ന് എടുത്തുപൊക്കി കൊണ്ടുപോവുകയായിരുന്നു .

കുട്ടിയുടെ മുത്തച്ഛൻ പശുവിനെ കറക്കാന്‍ വീടിന്‍റെ മുന്‍ വാതിലൂടെ തൊഴുത്തില്‍ പോയ സമയത്താണ് അക്രമി വീടിനകത്ത് കയറിയത്. എന്നിട്ട് ഉറങ്ങി കിടന്ന പെണ്‍കുട്ടിയെ തട്ടിയെടുത്ത് അടുക്കള വശത്തുള്ള വാതിലിലൂടെ പ്രതി 500 മീറ്റര്‍ അകലെയുള്ള സ്ഥലത്തെത്തിച്ച് പീഡിപ്പിക്കുകയും തുടർന്ന് സ്വര്‍ണ്ണ കമ്മലുകള്‍ എടുത്ത ശേഷം കുട്ടിയെ വഴിയിൽ ഉപേക്ഷിച്ച് രക്ഷപ്പെടുകയുമായിരുന്നു.

പുലര്‍ച്ചെ നടന്ന സംഭവം അതിനാൽ കുട്ടിയുടെ മാതാപിതാക്കള്‍ അടക്കമുള്ളവര്‍ അറി‌ഞ്ഞിരുന്നില്ല . തൊഴുത്തില്‍ നിന്ന് മുറിയില്‍ തിരിച്ചെത്തിയ മുത്തച്ഛനാണ് കുട്ടിയെ കാണാതായി എന്ന് മറ്റുള്ളവരോട് പറയുന്നത് . പെണ്‍കുട്ടിയെ തട്ടിക്കൊണ്ട് പോയി സ്വര്‍ണ്ണാഭരണം എടുത്ത് എന്നാണ് ആദ്യം കരുതിയിരുന്നത്. പിന്നീട് മെഡിക്കല്‍ റിപ്പോര്‍ട്ട് വന്നതോടെ കുട്ടി ലൈംഗികാതിക്രമത്തിന് ഇരയായതായി മനസിലായി . കുട്ടി കാഞ്ഞങ്ങാട് ജില്ലാ ആശുപത്രിയില്‍ ചികിത്സയിലാണ് നിലവിൽ