ബൈക്കിന് സൈഡ് നൽകാത്തതിൽ ചൊല്ലി ദമ്പതികള്‍ക്ക് നേരെ ക്രൂരമർദനം

കൊല്ലം : ഇടമുളയ്ക്കലിൽ ബൈക്കിനു സൈഡ് നൽകിയില്ലെന്ന് പറഞ്ഞ് ദമ്പതികൾക്ക് നേരെ ക്രൂരമർദനം.വീട് നിർമാണം നടക്കുന്ന സ്ഥലത്തേക്കു വാഹനത്തിൽ വെള്ളവുമായി പോവുകയായിരുന്ന ദമ്പതികളെയാണ് ബൈക്കിൽ എത്തിയ രണ്ടംഗ സംഘം ആക്രമിച്ചത് . കഴിഞ്ഞ ഞായറാഴ്ചയാണ് കേസിനാസ്പദമായസംഭവം .ആഷിഖ് ഹുസൈനും ‌ഭാര്യയ്ക്ക് നേരെയാണ് ആക്രമണം നടന്നത് .

വെള്ളവുമായി എത്തിയ വാഹനം റോഡരികിൽ നിർത്തിയിട്ട നിലയിലായിരുന്നു. ആ സമയം ബൈക്കിൽ എത്തിയ തുമ്പിക്കുന്ന് സ്വദേശികളായ ഷാനവാസും റിയാസും ബൈക്കിന് പോകാൻ സ്ഥലമില്ലെന്ന് പറഞ്ഞ് ദമ്പതികളുമായി തർക്കത്തിലേർപ്പെട്ടു .തുടർന്ന് കൈയിൽ കിട്ടിയ തടിക്കഷ്ണം ഉപയോഗിച്ച് ഇരുവരെയും മർദിക്കുകയായിരുന്നു . ഇതു കണ്ട് തടയാനെത്തിയ പനച്ചിവിള സ്വദേശി അനി എന്നയാൾക്കും മർദനമേറ്റു. നിർമാണ സ്ഥലത്തേക്ക് ചോറുപോവുകയായിരുന്നു അനി. ഷാനവാസും റിയാസും ചേർന്ന് നടത്തിയ ആക്രമണത്തിന്റെ ദൃശ്യങ്ങൾ പുറത്തുവന്നിട്ടുണ്ട് .

ആരോപണവിധേയനായ ഷാനവാസ് ഭാര്യയെ കൊലപ്പെടുത്തിയ കേസിലെ പ്രതിയാണെന്നും. ക്രിമിനൽ പ ശ്ചാത്തലമുള്ളവരാണെന്ന് നാട്ടുകാർ പറഞ്ഞത് . ദമ്പതികള്‍ സ്വകാര്യ ആശുപത്രിയിൽ ചികിത്സ തേടിയിട്ടുണ്ട് .സമൂഹമാധ്യമങ്ങളിൽ വിഡിയോ വന്നതോടെ പോലീസ്ഇരുവർക്കും എതിരെ അന്വേഷണം ആരംഭിച്ചിട്ടുണ്ട്