എക്സികോം ടെലി സിസ്റ്റംസ് ലിമിറ്റഡ് ഐപിഒ ഫെബ്രുവരി 27 മുതല്

കൊച്ചി:: എക്സികോം ടെലി സിസ്റ്റംസ്  ലിമിറ്റഡിന്‍റെ  പ്രാഥമിക ഓഹരി വില്പന (ഐപിഒ) 2024 ഫെബ്രുവരി 27 മുതല്‍ 29 വരെ നടക്കും.   329  കോടി രൂപയുടെ പുതിയ  ഇക്വിറ്റി ഓഹരികളും പ്രമോട്ടര്‍മാരുടെ 7,042,200  ഇക്വിറ്റി ഓഹരികളുടെ ഓഫര്‍ ഫോര്‍ സെയിലുമാണ് ഐപിഒയില്‍ ഉള്‍പ്പെടുത്തിയിരിക്കുന്നത്.

പത്ത്   രൂപ മുഖവിലയുള്ള ഓഹരി ഒന്നിന് 135 രൂപ മുതല്‍ 142   രൂപവരെയാണ് പ്രൈസ് ബാന്‍ഡ് നിശ്ചയിച്ചിരിക്കുന്നത്. കുറഞ്ഞത് 100 ഓഹരികള്‍ക്കും തുടര്‍ന്ന്  100ന്‍റെ  ഗുണിതങ്ങള്‍ക്കും അപേക്ഷിക്കാം.  ഓഹരികള്‍ എന്‍എസ്ഇയിലും ബിഎസ്ഇയിലും ലിസ്റ്റ് ചെയ്യും.

മൊണാര്‍ക്ക് നെറ്റ്-വര്‍ത്ത്  ക്യാപിറ്റല്‍ ലിമിറ്റഡ്, യുണിസ്റ്റോണ്‍ ക്യാപിറ്റല്‍ പ്രൈവറ്റ് ലിമിറ്റഡ്, സിസ്റ്റമാറ്റിക്സ് കോര്‍പ്പറേറ്റ് സര്‍വീസസ് ലിമിറ്റഡ് എന്നിവരാണ് ഐപിഒയുടെ ബുക്ക് റണ്ണിങ് ലീഡ് മാനേജര്‍മാര്‍.