ബെംഗളൂരുവിൽ അത്യാധുനിക സ്റ്റേഡിയം വരുന്നു

കായികമത്സരങ്ങൾ ധാരാളം നടക്കാറുള്ള ബെംഗളൂരുവിൽ മികച്ച സ്റ്റേഡിയത്തിന്റെയും സൗകര്യങ്ങളുടെയും ആവശ്യകത മുൻനിർത്തിയാണ് സ്പോർട്‌സ് സിറ്റി നിർമിക്കുന്നത്. പദ്ധതിക്കായി 60 ഏക്കർ സ്ഥലം കണ്ടെത്തിയിട്ടുണ്ടെന്നും ഇനി 40 ഏക്കർകൂടി കണ്ടെത്താനുള്ള അപേക്ഷ റവന്യു വകുപ്പിന് നൽകിയിട്ടുണ്ടെന്നും കായിക യുവജനക്ഷേമ വകുപ്പുമന്ത്രി ബി. നാഗേന്ദ്ര നിയമസഭയിൽ പറഞ്ഞു. ഭൂമിയുടെ ഉടമസ്ഥാവകാശം ലഭിക്കുന്നതോടെ പദ്ധതി മന്ത്രിസഭയുടെ അനുമതിക്കായി സമർപ്പിക്കും.