പൊലീസിന്റെ ക്രൂര മർദനം; യുവാവിന് ഗുരുതര പരുക്കേറ്റു

അന്തിക്കാട് : പൊലീസിന്റെ ക്രൂര മർദനത്തിൽ പെട്ട് യുവാവിന് ഗുരുതര പരുക്കേറ്റു.
തുണിയിൽ കരിക്കു പൊതിഞ്ഞുകെട്ടി പൊലീസ് മർദിച്ചുവെന്ന പരാതിയെ തുടർന്ന് യുവാവിനെ ആശുപത്രിയിൽ പ്രവേശിപ്പിച്ചു . അരിമ്പൂർ വെളുത്തൂർ വടക്കുംതല സുനിൽകുമാറിനാണ് പോലീസിന്റെ ക്രൂരമർദനം ലഭിച്ചത് . മർദനത്തിൽ 2 വാരിയെല്ലുകൾ പൊട്ടിയതായി സ്കാനിങ്ങിൽ കണ്ടെത്തി. അതിനാൽ ഉടൻ തന്നെ മെഡിക്കൽ കോളജ് ആശുപത്രിയിൽ ശസ്ത്രക്രിയ നടത്തും.

തന്നെ മർദിച്ച അന്തിക്കാട് ഇൻസ്പെക്ടർ വിനീഷ്, പൊലീസുകാരനായ അനൂപ് എന്നിവർക്കെതിരെ വധശ്രമത്തിന് കേസെടുക്കണമെന്നാവശ്യപ്പെട്ടു മുഖ്യമന്ത്രി, മനുഷ്യാവകാശ കമ്മിഷൻ, ഡിജിപി, പട്ടികജാതി ക്ഷേമ വകുപ്പ് എന്നിവർക്ക് സുനിൽകുമാർ പരാതി നൽകിയിട്ടുണ്ട്. വെളുത്തൂർ ക്ഷേത്രത്തിൽ നടന്ന ഗാനമേളയ്ക്കിടെയുണ്ടായ പ്രശ്നങ്ങളെത്തുടർന്നാണു സുനിൽകുമാർ അടക്കം 15 പേരെ പൊലീസ് കസ്റ്റഡിയിലെടുക്കുകയിരുന്നു .