പി.ബി. വരാലെ സുപ്രീംകോടതിജഡ്ജിയായി സത്യപ്രതിജ്ഞ ചെയ്ത് അധികാരമേറ്റു

ഒപ്പം ദളിത് വിഭാഗത്തിൽനിന്നുള്ള സിറ്റിങ് ജഡ്ജിമാരുടെ എണ്ണം ആദ്യമായി മൂന്നായി. ജസ്റ്റിസുമാരായ ബി.ആർ. ഗവായ്, സി.ടി. രവികുമാർ എന്നിവരാണ് മറ്റുള്ളവർ. 1962 ജൂൺ 23-ന് ജനിച്ച ജസ്റ്റിസ് വരാലെ 2008 ജൂലായ് 18-ന് ബോംബെ ഹൈക്കോടതി ജഡ്ജിയായി. 2022 ഒക്ടോബർ 15-ന് കർണാടക ഹൈക്കോടതി ചീഫ് ജസ്റ്റിസായി. ഈ മാസം ആദ്യം ജസ്റ്റിസ് വരാലെയുടെ പേര് ശുപാർശ ചെയ്യുമ്പോൾ, ചീഫ് ജസ്റ്റിസ് ചന്ദ്രചൂഡിന്റെ നേതൃത്വത്തിലുള്ള അഞ്ചംഗ എസ്.സി. കൊളീജിയം, അദ്ദേഹം ഏറ്റവും മുതിർന്ന ഹൈക്കോടതി ജഡ്ജിമാരിൽ ഒരാളാണെന്നും പട്ടികജാതിയിൽനിന്നുള്ള ഏക ഹൈക്കോടതി ചീഫ് ജസ്റ്റിസാണെന്നും നിരീക്ഷിച്ചിരുന്നു. കഴിഞ്ഞ ഡിസംബർ 25-ന് ജസ്റ്റിസ് എസ്.കെ. കൗൾ വിരമിച്ചതിനെത്തുടർന്നാണ് സുപ്രീംകോടതിയിൽ ഒഴിവുവന്നത്. സുപ്രീംകോടതി കൊളീജിയം അദ്ദേഹത്തിന്റെ പേര് ശുപാർശ ചെയ്ത് ഒരാഴ്ചയ്ക്കുള്ളിലാണ് നിയമനം.