സൗദിയിൽ മയക്കുമരുന്ന് പരിശോധന ശക്തമാക്കി;നിരവധി പേർ പിടിയിൽ

സൗദിയിൽ മയക്കുമരുന്ന് പരിശോധന കർശനമാക്കിയതോടെ നിരവധി പേർ പിടിയിൽ. ഖാത്ത്, ഹാഷിഷ്, മെതാംഫെറ്റാമിൻ ഗുളികകൾ തുടങ്ങിയവയാണ് പ്രധാനമായും പിടികൂടിയത്. മയക്കുമരുന്ന് കേസുകളിൽ പിടിക്കപ്പെടുന്നവർക്ക് യാതൊരു ഇളവും ലഭിക്കില്ലെന്ന് അധികൃതർ നേരത്തെ മുന്നറിയിപ്പ് നൽകിയിരുന്നു.

അസീർ മേഖലയിൽ കഴിഞ്ഞ ദിവസം മാത്രം 14 എത്യോപ്യൻ സ്വദേശികളെയാണ് 260 കിലോഗ്രാം ഖാത്ത് മയക്കുമരുന്ന് ഇലകൾ കടത്താൻ ശ്രമിക്കുന്നതിനിടെ ബോർഡർ ഗാർഡ് പട്രോളിംഗ് സംഘം പിടികൂടിയത്. മറ്റൊരു സംഭവത്തിൽ, 28 കിലോഗ്രാം ഖാത്തുമായി നാല് എത്യോപ്യൻ പൗരന്മാരും പിടിയിലായി. അസീർ മേഖലയിൽ നിന്ന് 11 കിലോഗ്രാം ഖാത്തും 80 കിലോഗ്രാം ഖാത്തും കടത്താൻ ശ്രമിച്ച ഒരു സൗദി പൗരനെയും മറ്റൊരു എത്യോപ്യൻ സ്വദേശിയെയും പിടികൂടി. ഹാഷിഷ് വിൽപ്പനയ്ക്ക് ശ്രമിച്ച ഒരു സൗദി പൗരനും അസീറിൽ നിന്ന് അറസ്റ്റിലായിട്ടുണ്ട്.