നാലരലക്ഷം രൂപയുടെ പഴ്‌സ്, ബഹുവര്‍ണ കല്ലുകള്‍ പതിച്ച ടിയാര; ഫെയ്‌റിടെയ്ല്‍ രാജകുമാരിയെപ്പോലെ ഉര്‍വശി

‘പാര്‍തിര്‍ ഉന്‍ ജൗര്‍’ എന്ന ചിത്രത്തിന്റെ സ്‌ക്രീനിങ്ങിനോട് അനുബന്ധിച്ച് 78-ാം കാന്‍ ഫിലിം ഫെസ്റ്റിവലിന്റെ ആദ്യ ദിനം റെഡ് കാര്‍പെറ്റിലെത്തി വാര്‍ത്തകളില്‍ ഇടംനേടിയിരിക്കുകയാണ് ഉര്‍വശി റൗട്ടേല. നാലരലക്ഷം രൂപയുടെ തത്തയുടെ ആകൃതിയിലുള്ള ക്ലച്ച്, ബഹുവര്‍ണ കല്ലുകള്‍ പതിച്ച ടിയാരയും കമ്മലുകളും, ഗൗണും ധരിച്ചാണ് താരം റെഡ് കാര്‍പെറ്റിലെത്തിയത്.

നീല,ചുവപ്പ്, മഞ്ഞ നിറങ്ങളിലുള്ള സ്ട്രാപ്‌ലെസ്സ് ഔട്ട്ഫിറ്റാണ് താരം അണിഞ്ഞിരിക്കുന്നത്. അതിനോട് ചേര്‍ന്നുനില്‍ക്കുന്ന ടിയാര ലുക്കിന് പൂര്‍ണത നല്‍കുന്നു. എന്നാല്‍ ഔട്ട്ഫിറ്റിനേക്കാളും എല്ലാവരെയും ആകർഷിച്ചത് അവരുടെ കയ്യിലുള്ള തത്തയുടെ ആകൃതിയിലുള്ള 4,68,064 രൂപ വിലയുള്ള ക്ലച്ചാണ്. ക്രിസ്റ്റലുകള്‍ പതിച്ച് ബഹുവര്‍ണത്തിലുള്ള ക്ലച്ച് ഡിസൈന്‍ ചെയ്തിരിക്കുന്നത് ജീഡിത്ത് ലെയ്ബറാണ്.

പഴയകാല ഫെയ്‌റിടെയ്ല്‍ രാജകുമാരിയെ അനുസ്മരിപ്പിക്കുന്ന ഉര്‍വശിയുടെ ലുക്കിനെ അഭിനന്ദിച്ച് ബോളിവുഡ് താരം ഭൂമി അടക്കമുള്ളവര്‍ രംഗത്തെത്തിയിട്ടുണ്ട്. എന്നാൽ ഈ ലുക്കിനെ വിമര്‍ശിക്കുന്നവരും കുറവല്ല.