ആരാധകരുടെ കണ്ണിനെ ഈറനണിയിച്ച ‘തുടരു’മിലെ ഗാനമെത്തി

തുടരും മലയാള സിനിമ കണ്ട എക്കാലത്തെയും വിജയമായി മാറി മുന്നേറുകയാണ് ഇപ്പോള്‍. കേരള ബോക്‌സ് ഓഫീസില്‍ മാത്രം 100 കോടി രൂപയിലധികം നേടിയിട്ടുണ്ട് തുടരും. കൂടാതെ ചിത്രം ആഗോള ബോക്‌സ് ഓഫീസില്‍ 200 കോടി ക്ലബിലുമെത്തി. ഇപ്പോഴിതാ ചിത്രത്തിലെ ടൈറ്റില്‍ സോംഗ് എത്തി. ഓരോ മോഹന്‍ലാല്‍ ആരാധകന്റെയും കണ്ണിനെ ഈറനണിയിച്ച ഈ ഗാനത്തിന്റെ വീഡിയോ റിലീസ് ചെയ്തിരിക്കുകയാണ് ഇപ്പോള്‍.

ഓരോ പ്രേക്ഷകന്റെയും കണ്ണിനെ ഈറനണിയിച്ച ഈ ടൈറ്റില്‍ ഗാനം ആലപിച്ചിരിക്കുന്നത് ഗോകുല്‍ ഗോപകുമാര്‍ ആണ്. ഏഷ്യാനെറ്റ് സ്റ്റാര്‍ സിംഗര്‍ സീസണ്‍ 9ലെ ഫൈനലിസ്റ്റായിരുന്നു ഗോകുല്‍. ജേക്‌സ് ബിജോയ് ആണ് സംഗീത സംവിധാനം. ബി കെ ഹരിനാരായണന്റേതാണ് വരികള്‍.