ഡോക്ടറുടെ നിർദേശമില്ലാതെ വിറ്റമിന്‍ സപ്ലിമെന്‍റ് കഴിക്കുന്നുണ്ടോ? ഇക്കാര്യങ്ങൾ അറിഞ്ഞിരിക്കണം

മിക്ക ആളുകളിലും ഇപ്പോൾ കണ്ടു വരുന്ന ഒരു പ്രവണതയാണ് ഡോക്ടര്‍മാരുടെ നിര്‍ദേശമില്ലാതെ സപ്ലിമെന്റുകള്‍ കഴിക്കുക എന്നത്. ഡോക്ടറുടെ നിർദേശപ്രകാരമല്ലാതെ കാത്സ്യവും അയേണും കഴിക്കുന്നത് കൊണ്ട് ഗുണത്തേക്കാളേറെ ദോഷം സംഭവിച്ചേക്കാം. ഇത്തരം സപ്ലിമെന്റുകള്‍ കഴിക്കുന്നതിന് മുന്‍പ് ഈ കാര്യങ്ങള്‍ ശ്രദ്ധിക്കേണ്ടതാണ്.

ശരീരത്തിലെ ഇരുമ്പിന്റെ അളവ് നോക്കാതെ സ്വന്തം ഇഷ്ടപ്രകാരം അയേണ്‍ ടാബ്ലെറ്റുകള്‍ വാങ്ങിക്കഴിക്കുന്നത് ഗുണം ചെയ്യില്ല. ഇത്തരത്തില്‍ ഗുളിക വാങ്ങിക്കഴിച്ചാല്‍ അത് ഹെമോക്രോമാറ്റോസിസ് എന്ന അവസ്ഥയ്ക്ക് അതായത് ആവശ്യത്തിലധികം അയേണ്‍ ശരീരത്തില്‍ ഉണ്ടാകുന്നതിന് കാരണമാകും. അത് ആന്തരികാവയവങ്ങളെ ദോഷകരമായി ബാധിക്കും.

കാത്സ്യം ഗുളികള്‍ എടുക്കമ്പോഴും കൃത്യമായി ഡോക്ടറുടെ നിര്‍ദേശപ്രകാരം വേണം കഴിക്കാന്‍. വിറ്റമിന്‍ ഡി നോക്കിവേണം ഗുളിക കഴിക്കാന്‍. സോഫ്റ്റ് ടിഷ്യൂ കാല്‍സിഫിക്കേഷന് ഇത് ചിലപ്പോള്‍ കാരണമായേക്കും. സന്ധികളിലും ആന്തരികാവയവങ്ങളിലും കാല്‍സ്യം സ്‌റ്റോണുകള്‍ അടിഞ്ഞുകൂടുന്നതിനും കാരണമാകും.

വിറ്റാമിന്‍ ഇ ഹൈഡോസില്‍ ശരീരത്തില്‍ എത്തിക്കഴിഞ്ഞാല്‍ ഓക്‌സിഡേറ്റീവ് സ്‌ട്രെസ് അത് വര്‍ധിപ്പിക്കുന്നു. അത് നീര്‍വീക്കത്തിനും കാരണമായേക്കാം. വിറ്റമിന്‍ എ അമിതമായി കഴിക്കുന്നത് ഹൈപ്പര്‍വിറ്റാമിനോസിസ് എന്ന അവസ്ഥയ്ക്ക് കാരണമാകും. അത് ചിലപ്പോള്‍ ലൈഫ്‌സ്പാന്‍ കുറച്ചേക്കാം. അതിനാൽ ഇനിയെങ്കിലും സപ്പ്ളിമെന്റുകൾ കഴിക്കുന്നതിന് മുൻപ് ഒരു ഡോക്ടറുടെ നിർദേശം തേടുക.