കോന്നിയിൽ കാട്ടാന ചെരിഞ്ഞത് വൈദ്യുതാഘാതമേറ്റ് ; തോട്ടം ഉടമക്കെതിരെ കേസ്

പത്തനംതിട്ട : കോന്നി കുളത്തുമണ്ണിൽ കാട്ടാന ചെരിഞ്ഞ സംഭവത്തിൽ കൈതത്തോട്ടം ഉടമക്കെതിരെ കേസ്. പോസ്റ്റ്മോർട്ടം റിപ്പോർട്ടിന്റെ അടിസ്ഥാനത്തിലാണ് വനം വകുപ്പ് കേസെടുത്തത്.ഹൈ വോൾട്ടേജ് വൈദ്യുതാഘാതം ഏറ്റതിനെ തുടർന്നാണ് കാട്ടാന ചെരിഞ്ഞതെന്ന് പോസ്റ്റ്മോർട്ടം റിപ്പോർട്ടിൽ പറയുന്നു.

സോളാർ വേലിയിൽ നിന്ന് ഷോക്കേറ്റത് എന്നാണ് പറഞ്ഞതെങ്കിലും അതല്ല എന്ന് പോസ്റ്റ്മോർട്ടത്തിൽ കണ്ടെത്തി. വേലിയിൽ നേരിട്ട് വൈദ്യുതി കൊടുത്തതായാണ് സംശയം. സംഭവത്തിൽ വനം വകുപ്പ് വിശദമായ അന്വേഷണം നടത്തുമെന്ന് ഉദ്യോ​ഗസ്ഥർ അറിയിച്ചു.