ഗ്രീഷ്മയ്ക്കെതിരേ വീണ്ടും കേസ് ; മുൻപും വ്യാജ ഹാൾടിക്കറ്റുകൾ നൽകിയെന്ന് പരാതി

നെയ്യാറ്റിൻകര: വ്യാജ ഹാൾടിക്കറ്റ് നിർമിച്ചുനൽകിയ കേസിൽ റിമാൻഡിൽ കഴിയുന്ന ഗ്രീഷ്മയ്ക്കെതിരേ വീണ്ടും കേസ്.നീറ്റിനു പുറമേ കീം, സിയുഇടി, കുസാറ്റ്, സിഎംസി വെല്ലൂർ എന്നിവിടങ്ങളിലെ പ്രവേശനപരീക്ഷയ്ക്കായി പണമടച്ചവർക്കാണ് പ്രതിയായ തിരുപുറം സ്വദേശിനി ഗ്രീഷ്മ വ്യാജ ഹാൾടിക്കറ്റ് നിർമിച്ചുനൽകിയെന്ന് പരാതി.

കണ്ണറവിള സ്വദേശി ആദർശിൽനിന്ന്‌ വിവിധ പ്രവേശനപരീക്ഷകൾക്കായി 23,300 രൂപ തട്ടിയെടുത്തെന്നും ഇരുവൈക്കോണം സ്വദേശി എസ്.അഭിറാമിൽ നിന്ന്‌ ഫീസ് വാങ്ങിയ ശേഷം വിവിധ പ്രവേശനപരീക്ഷകൾക്ക് വ്യാജ ഹാൾടിക്കറ്റുകൾ നൽകിയെന്നുമാണ് പരാതി.ആദർശിന്റെ പരാതിയിൽ നെയ്യാറ്റിൻകര പോലീസ് കേസ് രജിസ്റ്റർ ചെയ്തു.