പെയിന്റിങ്ങ് തൊഴിലാളിയെ മരിച്ച നിലയിൽ കണ്ടെത്തി

കണ്ണൂർ: പെയിന്റിങ്ങ് തൊഴിലാളിയെ മരിച്ച നിലയിൽ കണ്ടെത്തി. മാട്ടൂൽ മടക്കര സ്വദേശി കല്ലേൻ മണി (49)യാണ് മരണപ്പെട്ടത്. ഇരിണാവ് ഡാമിന് സമീപത്ത് റോഡിൽ നിർത്തിയിട്ട ബസിന് സമീപത്താണ് ചോരയൊലിക്കുന്ന നിലയിൽ കണ്ടത്.

ഇന്ന്‌ പുലർച്ചെ 12.45ന്‌ ഇതുവഴി പോകുകയായിരുന്ന യുവാക്കളാണ് രക്തത്തിൽ കുളിച്ച് നിലയിൽ മണിയെ കണ്ടത്. ഉടൻ കണ്ണപുരം പൊലീസിലും ബന്ധുക്കളെയും വിവരം അറിയിച്ചു. പൊലീസെത്തി കണ്ണൂർ ജില്ലാ ആശുപത്രി മോർച്ചറിയിലേക്ക് മാറ്റി.