ട്രാൻസ്‌ജെൻഡർ വിഭാഗത്തിന് സമാന്തര സംവരണം ഏർപ്പെടുത്തണമെന്ന് മദ്രാസ് ഹൈക്കോടതി

സ്ത്രീയായി സ്വയംപ്രഖ്യാപിച്ചിട്ടുള്ള ട്രാൻസ് വ്യക്തികൾക്ക് സംസ്ഥാനത്ത് നിലവിൽ എല്ലാ ജാതിവിഭാഗങ്ങളിലും സ്ത്രീകൾക്കുള്ള സംവരണത്തിന്റെ ആനുകൂല്യം ലഭിക്കും. എന്നാൽ, പുരുഷൻ അല്ലെങ്കിൽ മൂന്നാംലിംഗമായി സ്വയം പ്രഖ്യാപിച്ച ട്രാൻസ് വ്യക്തികൾക്ക് ഏറ്റവും പിന്നാക്കവിഭാഗത്തിന്റെ(എം.ബി.സി.)യോ അല്ലെങ്കിൽ സ്വന്തം ജാതിയുടെയോ സംവരണമാണ് ലഭിക്കുക. ഇതനുസരിച്ച് പട്ടികവിഭാഗത്തിൽപ്പെടുന്ന ട്രാൻസ് പുരുഷൻമാർക്ക് ട്രാൻസ് വ്യക്തിയായതിന്റെ പേരിൽ പ്രത്യേക സംവരണാനുകൂല്യം ലഭിക്കില്ല.