ഗർഭിണിയായ യുവതിയെ കൂട്ടബലാത്സംഗം ചെയ്തെന്ന് പരാതി; തലശ്ശേരിയിൽ മൂന്ന് പേരെ കസ്റ്റഡിയിലെടുത്ത് പോലീസ്

തലശ്ശേരി: തലശ്ശേരിയിൽ ​ഗർഭിണിയായ യുവതിയെ കൂട്ടബലാത്സംഗം ചെയ്തെന്ന് പരാതി. മേലൂട്ട് റെയിൽവേ മേൽപ്പാലത്തിന് അടിയിലാണ് 32കാരിയായ യുവതി കൂട്ട ബലാത്സംഗത്തിനിരയായത്. ആറാഴ്ച ഗർഭിണിയായ യുവതി
സ്വകാര്യ ആവശ്യത്തിനായി നഗരത്തിൽ എത്തിയതായിരുന്നു. സംഭവവുമായി ബന്ധപ്പെട്ട് മൂന്നുപേരെ പൊലീസ് കസ്റ്റഡിയിലെടുത്തു. ഇതിൽ രണ്ടുപേർ അന്തർ സംസ്ഥാന തൊളിലാളികളാണ്. മുഴപ്പിലങ്ങാട് ശ്രീജ ഹൗസിൽ 30 കാരനായ പ്രജിത്ത്, ബിഹാർ കതിഹാർ ദുർഗാപൂർ സ്വദേശി 19 കാരനായ ആസിഫ്, ബിഹാർ പ്രാൺപൂർ സ്വദേശി
24 കാരനായ സഹബൂൽ എന്നിവരെയാണ് പൊലീസ് കസ്റ്റഡിയിലെടുത്തിട്ടുള്ളത്.

കോഴിക്കോട് മെഡിക്കൽ കോളജിൽ ചികിത്സ തേടിയ യുവതി താൻ നേരിടേണ്ടി വന്ന ദുരനുഭവം ഡോക്ടറെ അറിയിക്കുകയായിരുന്നു. തുടർന്ന് മെഡിക്കൽ കോളജ് അധികൃതരാണ് സംഭവം പൊലീസിൽ അറിയിച്ചത്. പരാതിക്കാരി പൊലീസ് സംരക്ഷണയിലാണ്. സംഭവത്തിൽ കൂടുതൽ അന്വേഷണം നടന്നു വരുകയാണെന്ന് തലശ്ശേരി എ.എസ്.പി പി.ബി. കിരൺ പറഞ്ഞു.