മുസന്ദം കാർണിവലിന്റെ മൂന്നാം പതിപ്പിന് തുടക്കമായി

ഒമാനിലെ മുസന്ദം തീരത്ത് ഇനിയുള്ള അഞ്ച് ദിവസം ആഘോഷത്തിന്റെ ദിവസങ്ങൾ. മുസന്ദം കാർണിവലിന്റെ മൂന്നാം പതിപ്പിന് തുടക്കമായി. വിവിധ വിനോദ പരിപാടികൾ ഉൾപ്പെടുത്തിയ കാർണിവൽ ബുഖയിലെ ഹാൽ ടൂറിസ്റ്റ് ബീച്ചിലാണ് നടക്കുന്നത്

മുസന്ദം വിന്റർ സീസണിന്റെ തുടർച്ചയായ വിനോദ പ്രവർത്തനങ്ങളുടെ ഭാഗമാണ് കാർണിവൽ. പൊതു, സ്വകാര്യ സ്ഥാപനങ്ങളുടെ സഹകരണത്തോടെ മുസന്ദം ഗവർണറേറ്റാണ് പരിപാടി സംഘടിപ്പിക്കുന്നത്. സയ്യിദ് നവാഫ് ബിൻ ബർഗാഷ് അൽ സെയ്ദിന്റെ രക്ഷാകർതൃത്വത്തിൽ കാർണിവൽ ഉദ്ഘാടനം ചെയ്തു.

ടൂറിസം പ്രോത്സാഹിപ്പിക്കുന്നതിനും സമൂഹത്തിലെ എല്ലാ വിഭാഗങ്ങളെയും അഭിസംബോധന ചെയ്യുന്ന പ്രവർത്തനങ്ങളും വിനോദ പരിപാടികളും നടത്തുന്നതിനുമുള്ള ഗവർണറേറ്റിന്റെ ശ്രമങ്ങളുടെ ഭാ​ഗമാണ് കാർണിവൽ. കടൽ, പർവത കാഴ്ചകൾക്കും പേരുകേട്ട ഹാൽ ബീച്ചിന്റെ ആശ്വാസകരമായ പശ്ചാത്തലത്തിൽ, മുസന്ദത്തിന്റെ ടൂറിസം, സംസ്കാരം, സർഗ്ഗാത്മകത എന്നിവയുടെ സജീവമായ ആഘോഷമാണ് കാർണിവൽ വാഗ്ദാനം ചെയ്യുന്നത്.