ശശികുമാറും, സിമ്രാനും പ്രധാന വേഷങ്ങളിൽ; ടൂറിസ്റ്റ് ഫാമിലിയുടെ ട്രെയ്‌ലർ റിലീസ് ചെയ്തു

അബിഷൻ ജീവിന്ദിന്റെ സംവിധാനത്തിൽ ശശികുമാറും, സിമ്രാനും പ്രധാന വേഷങ്ങളിൽ അഭിനയിക്കുന്ന ടൂറിസ്റ്റ് ഫാമിലിയുടെ ട്രെയ്‌ലർ റിലീസ് ചെയ്തു. തിങ്ക് മ്യൂസിക്ക് ഇന്ത്യയുടെ യൂട്യൂബ് ചാനലിലൂടെ റിലീസ് ചെയ്ത ട്രെയിലറിന് 5 മണിക്കൂറിനുള്ളിൽ 6 ലക്ഷം കാഴ്ചക്കാരെ സ്വന്തമാക്കാനായിട്ടുണ്ട്.

തമിഴ്‌നാട്ടിലേക്ക് സാഹസികമായി കുടിയേറുകയും, രാഷ്ട്രീയ പ്രശ്നങ്ങൾ കാരണം ശ്രീലങ്കൻ പൗരർ ആണെന്ന രഹസ്യം മറച്ചു വെച്ചുകൊണ്ടാണ് കുടുംബം ജീവിക്കുന്നത് എന്ന് ട്രെയ്‌ലർ സൂചിപ്പിക്കുന്നുണ്ട്.ഭരത്ത് വിക്രമൻ എഡിറ്റിങ് കൈകാര്യം ചെയ്തിരിക്കുന്ന ചിത്രത്തിന്റെ ഛായാഗ്രഹണം അരവിന്ദൻ വിശ്വനാഥൻ ആണ്. മില്യൺ ഡോളർ സ്റ്റുഡിയോസ്, എം.ആർ.പി എന്റര്ടെയ്ന്മെന്റ്സ് എന്നീ ബാനറുകളിൽ നസ്രത്ത് പസിലിയൻ, മഗേഷ് രാജേഷ് പസിലിയൻ, യുവരാജ് ഗണേശൻ എന്നിവർ ചേർന്നാണ് ചിത്രം നിർമ്മിച്ചിരിക്കുന്നത്. ഷോൺ റോൾഡൻ ഈണമിട്ട ടൂറിസ്റ്റ് ഫാമിലിയിലെ മുഗൈ മഴൈ, ആച്ചാലേ എന്നെ ഗാനങ്ങൾ ഇതിനകം ഹിറ്റ് ചാർട്ടിൽ ഇടം നേടിക്കഴിഞ്ഞു. ചിത്രം മെയ് ഒന്നിന് റിലീസ് ചെയ്യും.