വിമാന സര്‍വീസ് നടത്താന്‍ ലൈസന്‍സ് നേടി റിയാദ് എയര്‍. ഈ വര്‍ഷം അവസാന പാദത്തില്‍ റിയാദ് എയര്‍ സര്‍വീസുകള്‍ ആരംഭിക്കും..സര്‍വീസുകള്‍ നടത്താനുള്ള എല്ലാ ഒരുക്കങ്ങളും പൂര്‍ത്തിയാക്കിയിട്ടുണ്ട്.
വാണിജ്യാടിസ്ഥാനത്തില്‍ വിമാന സര്‍വീസുകള്‍ ആരംഭിക്കാനാണ് സൗദി അറേബ്യയുടെ പുതിയ ദേശീയ വിമാന കമ്പനിയായ റിയാദ് എയര്‍ ലൈസന്‍സ് കരസ്ഥമാക്കിയിരിക്കുന്നത്.
ജനറല്‍ അതോറിറ്റി ഓഫ് സിവില്‍ ഏവിയേഷന്‍ റിയാദ് എയറിനു ലൈസന്‍സ് അനുവദിച്ചിരിക്കയാണ്. അധികൃതര്‍ ആവശ്യപ്പെട്ട എല്ലാ മാനദണ്ഡങ്ങളും പാലിച്ച ശേഷം ഈ വര്‍ഷം നാലാം പാദത്തില്‍ സേവനം ആരംഭിക്കാന്‍ റിയാദ് എയര്‍ ലൈസന്‍സ് കമ്പനിക്ക് അനുമതി നല്‍കി.കഴിഞ്ഞ ഡിസംബര്‍ 11 ന് എയര്‍ ഓപ്പറേറ്റര്‍ സര്‍ട്ടിഫിക്കറ്റ് നേടുന്നതിനുള്ള ആദ്യ പരീക്ഷണ പറക്കലുകള്‍ റിയാദ് എയര്‍ നടത്തി തുടങ്ങിയിരുന്നു.
