പരിക്ക് മാറി ബുംമ്ര തിരിച്ചെത്തുന്നു; ഇന്ന് ആര്‍സിബിക്കെതിരെ കളത്തിലിറങ്ങും

മുംബൈ: പരിക്കുമൂലം കളിക്കളത്തില്‍ നിന്ന് നീണ്ടകാലം പുറത്തുനിന്നതിന് ശേഷം ഇന്ത്യയുടെ സ്റ്റാര്‍ പേസറായ ജസ്പ്രിത് ബുംമ്ര തിരിച്ചുവരുന്നു. ഐപിഎല്ലില്‍ റോയല്‍ ചലഞ്ചേഴ്സ് ബെംഗളൂരുവിനെതിരേ മുംബൈ നിരയില്‍ ബുംമ്ര ഇടംപിടിച്ചേക്കുമെന്നാണ് റിപ്പോര്‍ട്ട്. താരം മുംബൈ ടീമിനൊപ്പം ചേര്‍ന്നിട്ടുണ്ട്. ബുംമ്രയുടെ മടങ്ങിവരവ് സംബന്ധിച്ചുള്ള പ്രഖ്യാപനം മുംബൈ ഇന്ത്യന്‍സ് തന്നെയാണ് നടത്തിയത്.

എന്നാല്‍ ഇപ്പോഴിതാ താരം ആര്‍സിബിക്കെതിരെയുള്ള ഇന്നത്തെ മത്സരം മുതല്‍ കളിക്കുമെന്ന് സ്ഥിരീകരണം വന്നിരിക്കുകയാണ്. മുംബൈയുടെ കോച്ചായ മഹേല ജയവര്‍ധന തന്നെയാണ് സ്ഥിരീകരണം നടത്തിയത്. അതെസമയം നാല് മത്സരങ്ങളില്‍ നിന്ന് ഒന്നില്‍ മാത്രം ജയിക്കാനായ മുംബൈക്ക് ബുംമ്രയുടെ തിരിച്ചുവരവ് ആത്മവിശ്വാസം നല്‍കും.