തുടര്‍ച്ചയായ നാലാം തോല്‍വി ഏറ്റുവാങ്ങി ഹൈദരാബാദ്; ഗുജറാത്ത് ടൈറ്റന്‍സിന് ഏഴ് വിക്കറ്റ് ജയം

ഹൈദരാബാദ്: ഐപിഎല്ലില്‍ സണ്‍റൈസേഴ്സ് ഹൈദരാബാദിനെതിരെ ഗുജറാത്ത് ടൈറ്റന്‍സിന് ഏഴുവിക്കറ്റിന് ജയം. ഹൈദരാബാദിന്റെ 152 റണ്‍സിന്റെ ടോട്ടല്‍ ഗുജറാത്ത് 16.4 ഓവറില്‍ മൂന്ന് വിക്കറ്റ് നഷ്ടത്തില്‍ മറികടന്നു. ഗുജറാത്തിന് വേണ്ടി ശുഭ്മാന്‍ ഗില്‍ 61 റണ്‍സും വാഷിംഗ്ടണ്‍ സുന്ദര്‍ 49 റണ്‍സും റൂഥര്‍ഫോര്‍ഡ് 35 റണ്‍സും നേടി. മൂന്നാം ജയമാണ് ഗുജറാത്ത് ഇതോടെ നേടിയത്. തുടര്‍ച്ചയായ നാലാം തോല്‍വിയാണ് ഹൈദരാബാദ് ഏറ്റുവാങ്ങിയത്.

നേരത്തെ ടോസ് നഷ്ടപ്പെട്ട് ബാറ്റിങ്ങിനിറങ്ങിയ സണ്‍റൈസേഴ്‌സ് ഹൈദരാബാദിനെ ഗുജറാത്ത് ക്യാപിറ്റല്‍സിന്റെ ബൗളിങ് പട വരിഞ്ഞുക്കെട്ടുകയായിരുന്നു. മുഹമ്മദ് സിറാജ് അപാര ഫോമില്‍ പന്തെറിഞ്ഞപ്പോള്‍ സണ്‍ റൈസേഴ്‌സ് ഹൈദരാബാദ് 20 ഓവറില്‍ 152 റണ്‍സിന് ഓള്‍ ഔട്ടായി.

നാലോവര്‍ മാത്രമെറിഞ്ഞ സിറാജ് 17 റണ്‍സ് മാത്രം വിട്ടുകൊടുത്ത് നാല് വിക്കറ്റ് നേടി. പ്രിസിദ് കൃഷ്ണയും സായ് കിഷോറും രണ്ട് വിക്കറ്റ് വീതവും നേടി. നിതീഷ് കുമാര്‍ റെഡ്ഡി 34 പന്തില്‍ 31 റണ്‍സ് നേടി. ഹെന്‍ഡ്രിച്ച് ക്ലാസന്‍ 27 റണ്‍സും കമ്മിന്‍സ് 22 റണ്‍സും ഇഷാന്‍ കിഷന്‍ 17 റണ്‍സും നേടി.