ഷവോമിയുടെ ഫ്ലാഗ്ഷിപ്പ് ഫോണുകൾ; ഷവോമി 15 അൾട്ര, ഷവോമി 15 എന്നിവ ഇന്ത്യയിൽ വിൽപ്പനയ്ക്കെത്തി

ഷവോമി തങ്ങളുടെ ഫ്ലാഗ്ഷിപ്പ് ഷവോമി 15 അൾട്രയും സ്റ്റാൻഡേർഡ് ഷവോമി 15 ഉം ഇന്ത്യയിൽ ഔദ്യോഗികമായി പുറത്തിറക്കിയിരുന്നു. ഈ രണ്ട് സ്മാർട്ട്‌ഫോണുകളും ഇപ്പോൾ ഇന്ത്യയിൽ വിൽപ്പനയ്‌ക്കെത്തി. സ്‌നാപ്ഡ്രാഗൺ 8 എലൈറ്റ് ചിപ്‌സെറ്റ്, ഹൈപ്പർഒഎസ് 2.0 ഉള്ള ആൻഡ്രോയ്‌ഡ് 15, ലെയ്‌ക ട്യൂൺ ചെയ്‌ത ക്യാമറകൾ എന്നിവയുൾപ്പെടെ ശക്തമായ ഹാർഡ്‌വെയർ ഈ ഫോണുകൾക്ക് ലഭിക്കുന്നു.

ഷവോമി 15-ൽ 6.36-ഇഞ്ച് ഫുൾ-എച്ച്‌ഡി+ എല്‍റ്റിപിഒ അമോൾഡ് ഡിസ്‌പ്ലേ, 120Hz റിഫ്രഷ് റേറ്റ്, 300Hz ടച്ച് സാമ്പിൾ റേറ്റ്, 3,200 നിറ്റ്സ് പീക്ക് ബ്രൈറ്റ്‌നസ് എന്നിവയുണ്ട്. ഇത് എച്ച്ഡിആര്‍10+, ഡോൾബി വിഷൻ എന്നിവയെ പിന്തുണയ്ക്കുന്നു.

ഷവോമി 15 അൾട്രയിൽ 6.73 ഇഞ്ച് WQHD+ ക്വാഡ്-കർവ്ഡ് എല്‍റ്റിപിഒ അമോൾഡ് പാനൽ, ഷവോമി ഷീൽഡ് ഗ്ലാസ് 2.0 സംരക്ഷണം എന്നിവയുണ്ട്. ഇത് കൂടുതൽ ഷാർപ്പായിട്ടുള്ള ദൃശ്യങ്ങളും മെച്ചപ്പെട്ട ഈടും വാഗ്ദാനം ചെയ്യുന്നു. രണ്ട് ഫോണുകളും സ്‍നാപ്ഡ്രാഗൺ 8 എലൈറ്റ് എസ്ഒസി-യിൽ പ്രവർത്തിക്കുന്നു.

ആൻഡ്രോയ്‌ഡ് 15 അധിഷ്ഠിത ഹൈപ്പർഒഎസ് 2.0 ലും ലഭ്യമാണ്. സ്റ്റാൻഡേർഡ് ഷവോമി 15, 12 ജിബി എൽപിഡിഡിആർ 5 എക്സ് റാമും 512 ജിബി യുഎഫ്എസ് 4.0 സ്റ്റോറേജും വാഗ്ദാനം ചെയ്യുമ്പോൾ, ഷവോമി 15 അൾട്ര 16 ജിബി എൽപിഡിഡിആർ 5 എക്സ് റാമും 1 ടിബി യുഎഫ്എസ് 4.1 സ്റ്റോറേജും നൽകുന്നു. ഷവോമി 15 അൾട്ര 16 ജിബി + 512 ജിബി വേരിയന്‍റുമായി വരുന്നു. 1,09,999 രൂപയാണ് ഇതിൻ്റെ വില.