സ്കൂട്ടറിന് പിന്നിൽ മറ്റൊരു വാഹനം ഇടിച്ച് നിർത്താതെ പോയി; തൃശൂരിൽ യുവാവിന് ദാരുണാന്ത്യം

തൃശൂര്‍: സ്കൂട്ടറിന് പിന്നിൽ മറ്റൊരു വാഹനമിടിച്ച് യുവാവിന് ദാരുണാന്ത്യം. അങ്കമാലി കറുകുറ്റിയിൽ ഇന്നലെ രാത്രിയാണ് അപകടം ഉണ്ടായത്. കറുകുറ്റി മേനാച്ചേരിയിൽ ജസ്റ്റോ ദേവസി എന്ന 35കാരനാണ് മരിച്ചത്. യുവാവ് സഞ്ചരിച്ച സ്കൂട്ടറിന് പിന്നിൽ മറ്റൊരു വാഹനമിടിച്ചായിരുന്നു അപകടം. ഇന്നലെ രാത്രി പത്തുമണിയോടെയായിരുന്നു സംഭവം. ഇടിച്ച വാഹനം നിർത്താതെ പോകുകയായിരുന്നു.