വിദ്യാർത്ഥിയെ പിക്ക് അപ്പ് വാനുപയോഗിച്ച് ഇടിച്ച് കൊല്ലാൻ ശ്രമിച്ച പ്രതി പിടിയിൽ

കോട്ടയം: സ്‌കൂൾ വിട്ട് വരികയായിരുന്ന കുട്ടിയെ പിക്ക് അപ്പ് വാനുപയോഗിച്ച് ഇടിച്ച് കൊല്ലാൻ ശ്രമിച്ച പ്രതി പിടിയിൽ. കുട്ടിയുടെ പിതാവിനെ മർദ്ദിച്ച് കൊന്ന കേസിൽ ജയിലിലായി ജാമ്യത്തിൽ ഇറങ്ങിയ അകലക്കുന്നം മറ്റക്കര ആലെക്കുന്നേൽ ശ്രീജിത്ത് (28)നെയാണ് അറസ്റ്റ് ചെയ്തത്.

20ന് ഉച്ചയ്ക്ക് ശേഷം സ്‌കൂളിൽ നിന്നും വരികയായിരുന്ന കുട്ടിയെ പിന്നിൽ നിന്നും ഓടിച്ചുവന്ന പിക്കപ്പ് കൊണ്ട് ഇടിച്ചു വീഴ്ത്താനായിരുന്നു ശ്രീജിത്തിന്റെ ലക്ഷ്യം. കുട്ടി ഓടിമാറിയതിനാലാണ് അപകടം ഒഴിവായത്.