കൊടുവള്ളി മിനി സിവില്‍ സ്റ്റേഷന്‍ റോഡ് ഉദ്ഘാടനം ചെയ്തു

കോഴിക്കോട് : കൊടുവള്ളി നഗരസഭ 2024-25 വാര്‍ഷിക പദ്ധതിയിലുള്‍പ്പെടുത്തി പുനരുദ്ധാരണ പ്രവൃത്തി പൂര്‍ത്തീകരിച്ച കൊടുവള്ളി മിനി സിവില്‍ സ്റ്റേഷന്‍ റോഡ് ഉദ്ഘാടനം നഗരസഭ ചെയര്‍മാന്‍ വെള്ളറ അബ്ദു നിര്‍വ്വഹിച്ചു. ക്ഷേമകാര്യ സ്ഥിരം സമിതി അധ്യക്ഷ റംല ഇസ്മായില്‍ അധ്യക്ഷത വഹിച്ചു.

പരിപാടിയില്‍ ഡെപ്യൂട്ടി ചെയര്‍പേഴ്‌സണ്‍ വി സി നൂര്‍ജഹാന്‍, സ്ഥിരം സമിതി അധ്യക്ഷന്‍മാരായ ആയിഷ ഷഹനിദ, കെ ശിവദാസന്‍, ആസൂത്രണ സമിതി ഉപാധ്യക്ഷന്‍ വി കെ അബ്ദുഹാജി, കൗണ്‍സിലര്‍മാരായ എന്‍ കെ അനില്‍കുമാര്‍, ടി മൊയ്തീന്‍കോയ, ഷെരീഫ കണ്ണാടിപ്പൊയില്‍, പി വി ബഷീര്‍, കെ സുരേന്ദ്രന്‍, ഇ ബാലന്‍, കെ സി സോജിത്ത്, എം നസീഫ്, അലി മാനിപുരം, ഒ പി അബ്ദുള്‍ മജീദ് തുടങ്ങിയവര്‍ സംസാരിച്ചു.