വാഹന പരിശോധനക്കിടെ യുവാവ് പൊലീസുകാരെ ആക്രമിച്ചു

തൃശൂർ : തൃശൂർ കൊടുങ്ങല്ലൂരിൽ വാഹന പരിശോധനക്കിടയിൽ യുവാവ് പൊലീസ് ഉദ്യോഗസ്ഥരെ ആക്രമിച്ചു. പൊയ്യ സ്വദേശി ഇറ്റിത്തറ രാഹുലാണ് (35) പൊലീസിനെ ആക്രമിച്ചത്.

ഇന്നലെ രാത്രി വാഹനമോടിച്ചിരുന്ന എടവിലങ്ങ് സ്വദേശി ബിനോജ് മദ്യപിച്ചിരുന്നതായി വ്യക്തമായതിനെ തുടർന്ന് പൊലീസ് കാർ കസ്റ്റഡിയിലെടുത്തു. തുടർന്ന് കാറിലെ സഹയാത്രികനായിരുന്ന രാഹുൽ പുറത്തിറങ്ങി ഉദ്യോഗസ്ഥരോട് തർക്കിച്ചു. ശേഷം ഇയാൾ പൊലീസുകാരനെ ആക്രമിച്ചു.

സിപിഒ ഷെമീറിനെ കഴുത്തിന് പിടിച്ച് മർദ്ദിച്ച പ്രതി പൊലീസ് ജീപ്പിന്റെ ചില്ലും അടിച്ച് തകർത്തു.ആക്രമണത്തിന് പിന്നാലെ അറസ്റ്റ് ചെയ്‌തു.