ഇലക്ട്രിക് വാഹനങ്ങളില്‍ പുതിയ മാജിക്കുമായി ബിവൈഡി

ഇലക്ട്രിക് വാഹനങ്ങളില്‍ പുതിയ മാജിക്കുമായി ബിവൈഡി.ഇലക്ട്രിക് വാഹനങ്ങള്‍ക്കായി 1000 കിലോവാട്ട് ചാര്‍ജിങ് വേഗതയുള്ള സൂപ്പര്‍ ഇ-പ്ലാറ്റ്‌ഫോം ഓള്‍ ന്യൂ ഇലക്ട്രിക് ആര്‍കിടെക്ചറാണ് ബിവൈഡി ഒരുക്കിയിരിക്കുന്നത്. ഇതിനൊപ്പം വെറും അഞ്ച് മിനിറ്റ് ചാര്‍ജ് ചെയ്താല്‍ 470 കിലോമീറ്റര്‍ ഓടാന്‍ കഴിയുന്ന ബാറ്ററിയും ബിവൈഡി വികസിപ്പിച്ചിട്ടുണ്ട്. ടെസ്‌ല നിര്‍മിച്ചിട്ടുള്ള വി4 ചാര്‍ജറിനെക്കാള്‍ ഇരട്ടി വേഗത്തില്‍ ചാര്‍ജിങ് സാധ്യമാകുമെന്നാണ് നിര്‍മാതാക്കള്‍ അവകാശപ്പെടുന്നത്. സാധാരണ കാര്‍ പെട്രോള്‍ പമ്പില്‍ ചെലവഴിക്കുന്ന അത്രയും സമയം പോലും ചാര്‍ജിങ്ങിന് വേണ്ടെന്നതാണ് ഈ സംവിധാനത്തിന്റെ നേട്ടം.