ഇനി ഗൾഫിൽ കാണാം; ഔസേപ്പിന്റെ ഒസ്യത്ത് ചിത്രത്തിൻ്റെ ഗള്‍ഫ് തിയറ്റര്‍ ലിസ്റ്റ് പുറത്തുവിട്ടു

ഔസേപ്പിന്റെ ഒസ്യത്ത് ചിത്രത്തിൻ്റെ ഗള്‍ഫ് തിയറ്റര്‍ ലിസ്റ്റ് പുറത്തുവിട്ടു. വിജയരാഘവൻ പ്രധാന കഥാപാത്രമായി വന്ന ചിത്രമാണ് ഔസേപ്പിന്റെ ഒസ്യത്ത്. നവാഗതനായ ശരത്ചന്ദ്രൻ ആ‍ർ.ജെ ആണ് ചിത്രത്തിന്റെ സംവിധാനം നിർവ്വഹിച്ചിരിക്കുന്നത്. കിഴക്കൻമലമുകളിൽ വന്യമൃഗങ്ങളോടും, പ്രതികൂല സാഹചര്യങ്ങളോടും മല്ലിട്ട് വാരിക്കൂട്ടിയ സമ്പത്തിന്‍റെ ഉടമയും എൺപതുകാരനുമായ ഔസേപ്പിന്‍റേയും മൂന്നാണ്മക്കളുടെയും കഥയാണ് ചിത്രം പറയുന്നത്. ചിത്രത്തിന്‍റെ റിലീസ് മാർച്ച് ഏഴിനായിരുന്നു. ഇപ്പോഴിതാ മാര്‍ച്ച് 13ന് ഗള്‍ഫ് രാജ്യങ്ങളിലേക്കും ഔസേപ്പിന്റെ ഒസ്യത്ത് എത്താൻ പോകുകയാണെന്ന റിപ്പോര്‍ട്ടാണ് പുറത്ത് വരുന്നത്.

മെയ്ഗൂർ ഫിലിംസിന്‍റെ ബാനറിൽ എഡ്‍വേർഡ് അന്തോണിയാണ് ചിത്രത്തിന്‍റെ നിർമ്മാണം നിർവ്വഹിച്ചിരിക്കുന്നത്. ദിലീഷ് പോത്തൻ, കലാഭവൻ ഷാജോൺ, ഹേമന്ത് മേനോൻ എന്നിവരാണ് ഔസേപ്പിന്‍റെ മക്കളായെത്തുന്നത്. ലെന, കനി കുസൃതി, സെറിൻ ഷിഹാബ്, ജോജി മുണ്ടക്കയം, ജെയിംസ് എല്യാ, അഞ്ജലി കൃഷ്ണൻ, ശ്രീരാഗ്, സജാദ് ബ്രൈറ്റ്, ജോർഡി പൂഞ്ഞാർ, ബ്രിട്ടോ ഡേവീസ്, അജീഷ്, ആർ വി വാസുദേവൻ, അഖിൽ രാജ്, അജി ജോർജ്ജ് തുടങ്ങിയവരും ചിത്രത്തിൽ മറ്റ് കഥാപാത്രങ്ങളായി എത്തുന്നുണ്ട്.