മുത്തശ്ശിയെ കൊലപ്പെടുത്തി: കൊച്ചുമകന് വധശിക്ഷ വിധിച്ച് കുവൈറ്റ് കോടതി

കുവൈത്ത്: കുവൈത്തിൽ സ്വന്തം മുത്തശ്ശിയെ കൊലപ്പെടുത്തിയ കേസിൽ കൊച്ചുമകന് ക്രിമിനൽ കോടതി വധശിക്ഷ വിധിച്ചു. മുൻ സിറ്റിംഗിൽ പ്രതിക്ക് പരമാവധി ശിക്ഷ നൽകണമെന്ന് പബ്ലിക് പ്രോസിക്യൂഷൻ കോടതിയോട് ആവശ്യപ്പെട്ടിരുന്നു.

പ്രതിയുടെ 85 വയസ്സുള്ള മുത്തശ്ശിയെയാണ് കൊലപ്പെടുത്തിയത്. ഈ കുറ്റം ഹീനമാണെന്നും പ്രതി മനുഷ്യത്വം ഇല്ലാത്തവനായി, പ്രത്യേകിച്ച് ഇരയുടെ ബലഹീനതയും വാർധക്യവും കണക്കിലെടുക്കുമ്പോൾ ഒരു ദയയും കാണിച്ചില്ലെന്നാണ് പ്രോസിക്യൂഷൻ കുറ്റപത്രത്തിൽ വ്യക്തമാക്കിയത്. പ്രോസിക്യൂഷന്റെ വാദങ്ങൾ പരിഗണിച്ചാണ് കോടതി വധശിക്ഷ വിധിച്ചത്.